Tankar i tida

FERDIG.....med første del

2012-01-31T13:18:00.000+01:00

I går var den store avslutningsdagen

siste dag med cellegiftkuren FEC100.

Eg våkna tidleg og kjende på kvalmen

lenge før eg skulle avstad.

Er nok mykje av biverknadane som sit mellom øyra....

Men med ein god frukost

og ein liten "roe-seg-ned-drops" innabords

bar det til Kreftpoliklinikken på Gjøvik

Først blodprøve

for å få sjekka at imunforsvaret var godt nok.

Så å vente ein times tid på at legen kunne gje klarsignal og bestille kuren.

Og eg kunne ta første kvalmestillande tablett.

Vel påkopla gjennom VAP

vart behandlinga satt i gang.

Først litt saltvatn

Så kvalmestillande

Saltvatn

F-kur

Saltvatn

E-kur -den raude og mest giftige - som gjer at eg tissar raudt eit par dagar....

....og må skylle ned to gongar etter dobesøk:-))

Saltvatn

C-kur

Så avsluttning med Saltvatn før eg vart kopla i frå.

Fine englar i kvitt henta både raud saft og brødskiver undervegs

til ein pasient som låg der med blanda følelser.

Og den gode kjærasten min sat tolmodig på ein pinnestol og goprata med meg.

Vel ferdig er eg skikkelig "tommelomsk"

finn nesten ikkje att verken doen eller kleda mine.

Så inn til legen som vil snakke med meg-

-forklare meg vidare behandlingsforløp.

Neste veke er det hjartetest

for å sjekke at blodpumpa virkar som den skal

at ho ikkje har teke skade

og at ho er klar for neste steg i prosessen.

Herceptinkuren - antistoffet som skal

ta knekken på dei eventuelle tulle-cellene som kan ha funne ut

at dei skulle vandre ut i kroppen min.

Den behandlinga startar med "oppladdingsdose" på 6 timer

om tre veker.

Og så blir det tur til Gjøvik kvar 3.veke i eit år framover

for ei lita påfyllingsdose på ein halvtime-

-ja om hjertetestane kvar 3. månad gjev klarsignal for det.

Nokre dagar etter det kan eg trygt reise ein tur til varme strok-

med sol, strand, spa og fine turar i varmen.

Då rekk eg akkurat heim og får starta med Tamoxifen - Antihormonet

som skal senke østrogen nivået mitt og gjere sjangsen for tilbakefall så liten som mulig.

5 år med tablettar med bivirkningsliste så lang og vanskeleg at ein kan bli mørkredd.

Den verste er nok hetetoktene sidan overgangsalderen kjem brått og brutalt-

-og muskelsmerter og leddsmerter....

....akkurat som om ikkje eg med Fibromyalgi har nok av dei frå før.....

Innimellom alt dette skal eg ha faste kontrollar

for å sjekke ut at det ikkje veks noko tull nokon stad i kroppen min.

Idag er forma god

forundeleg god

eg har ete godt (det gjer eg no igrunnen ganske så ofte eg då...)

Eg tygg kvalmestillande drops etter ein nøye planlagt timeplan

Huskar å ete youghut med Husk i

passar på å ta dropane som skal halde magen igang

(hmm er vist komt i den alderen at dette er eit naturleg tema - har du vore på do i dag- hehe)

Kosar meg i soffan med PC, te, farris og berre hentar meg inn.

Eit langt lerret å bleike tenkjer du nok....

....og det tenkjer eg og.......

Men tenk kor heldig eg er

som bur i Norge

som får alle desse tilboda

denne massive etterbehandlinga.

Legen gjev med alt det ho kan kome på

for å lette bivirkningane mine

no dei fyrste dagane etter kuren.

.....og så er det no på ingen måte sikkert

at alle dei bivirkningane som er forespeila slår til heller då...

Det er no lov å håpe.

Klem får soffakroken på Haugsbakken

Det står til livs.....

2012-01-29T17:53:00.000+01:00

"Long time no see"

er det noko som heiter-

-og her inne har det ikkje blitt mange oppdateringane i det siste.

Men det står til livs...

på ein måte

- på den måten ein kan forvente

med ein langvarig giftkur

som snart er til ende.

No merkar eg godt at eg

har vore igjennom ein hestekur.

Energien er ikkje på høgnivå for å seie det slik

Eg er sliten og litt lei

Hetetoktene held på gjere meg litt smårar....

....her eg går rundt som eit trafikklys - og lyser raudt i tide og utide.

Men eg har gode unnskyldningar for å investere i nye ulltrøyer -

- ikkje så gale at det ikkje er godt for noko heiter det vist:-))

I helga har eg kosa meg

Vore på årsmøtesamling i Skien

der Fallskjermveteranar har vore samla

til god mat og litt god drikke.

Eg har hatt det kjekt

men gleda over turen blir litt avstumpa

når eg føler at eg har brukt meir tid på hotellromet

enn saman med dei andre.

Men slik er det

når eg blir utmatta av dei minste utskeielser......

I morgon er planen at eg skal ha siste cellegiftkur

og no merkar eg at eg grugleder meg.

Gled meg til å verte ferdig med denne forgiftinga

Grur meg til veka som kjem

med alle bivirkningane og heitetoktene -

- som kjem til å kome som perler på ei snor.

Men når eg ser attende

sjønar eg nesten ikkje kvar tida har vorte av

Så langt fram som eg følte det var i oktober då eg starta

og no er det snart over.

Men eg har gulrota mi

og er begynnt så smått å planlegge.

Var innom "veteran" Stig på

utsalget til Friluftsmagasinet

og fekk meg tak i nye Spotec sandalar.

Eit par artige luer fant eg og på salg i Skien -

kan vere godt å ha over den nakne skallen når vi reiser til varmare strok.

I morgon er det Medicus på Gjøvik som får besøk

Håpar dei har badetøy for store damer med lauspupp:-))

Og no når soffan vil få mykje besøk nokre dagar,

har eg skaffa meg litt lesestoff.

Halve turen er god planlegging tenkjer eg

og har planer om å "drøyme" meg bort

i veka som kjem

Vart vist litt "syting" dette her

men det gjer litt godt å få delt-

-delt at livet er ein dans på roser

også når ein må gå over tornene.

Men litt lenger oppe på stilken

skimtar eg dei flotte mjuke kronblada

i form av varm sand

svalande vatn

eigen veranda med utsikt over havet

og tid til glede

ilag med min gode ven og kjæreste.

Eg må berre ha litt tolmod

så dansar eg barbeint i sola snart......

Klem frå meg

som snart har gått mitt livs lengste "tur"

På Jaren-isen for fyrste gong

2012-01-17T21:07:00.000+01:00

Skodda låg tjukk over Jaren idag

men ei stund før sola gjekk ned

letta det opp og eg og kjærasten

kjende for å gå oss ein tur.

Eg hadde lyst å gå ned mot Jarenvatnet

der isen no ligg tjukk og snødekt.

Ei ny tur rute for meg

ein veg eg ikkje hadde gått før.

Med 8 blå

sol og blå himmel

kledde vi oss godt

og la i veg.

Sola var lavt på himmelen

bak rimfrosne tre.

Ut på isen med ein litt rar følelse-

- vil den halde meg

Kjærasten som er vand med isen

berre ser på meg og gliser i sjegget:-))

Han har kjøyrd bil på isen

Han har hoppa fallskjerm på isen

Han har floge opp med fly frå isen -

rett nok for fleire år sidan -

-men han kjenner staden og forholda

Og så skulle den liksom ikkje halde oss to:-))

Men slik er det når ein ikkje er vand å ferdast på is

men med kjærasten med på tur kjende eg meg trygg

der sola sende lange skuggar av oss bortover mot land.

Med målet i sikte -

- langt der borte går elva ut av Jarenvatnet

og renn nordover

ned Viggadalen mot Brandbu

Røykenvika og Randsfjorden

Ein skal kanskje ikkje sjå seg tilbake

men slik fin natur må ein få med frå alle kantar -

- og jammen er det ikkje berre vi som har gått isen.

Det har nok gått nokre sørover mot Gran også

og langt der borte er det ein annan som er ute på tur også.

Mot sørvest er sola i ferd med å gå bak Granåsen.

Det er fin trim å gå på upløygt is

og sjølv om det var kaldt ute

vart det etter kvart godt og varmt inne i dunjakka og under pelshua.

I strandkanten står stråa

kalde - frosne og vakre.

Inn i buskaset

og inn på trygt land.

Vi kom trygt over isen

og heim til ei varm stove.

Min første tur på Jaren-isen

gjorde godt for både kropp og sjel...

....der eg gjekk og smilte for meg sjølv heile tida.

Ei god stund berre vi to ilag:-))

Reisepremie

2012-01-16T15:01:00.000+01:00

Endeleg ein nokonlunde heilt bra dag

Det har vore tyngre denne gangen

etter 5. kur.

Dei to første dagane var litt som sist -

men så endra det seg brått.

Har vore meir konstant småkvalm

-og med den ekle metallsmaken i nasen - ja i nasen

Heitetoktene har omtrent lamma meg innimellom -

før frostriene har innhenta meg.

Alle kjenner vel til den følelsen

ein får når ein har vore ute og verkeleg svetta ut

- då går det ikkje lenge før ein frys og ikkje vert varm att før ein har dusja og fått på tørre klede.

Men med heitetokter med halvtimes mellomrom

er det liksom ikkje berre å dusje kvar gang for å få att varmen heller......

....godt at lageret av ulltrøyer er stort....

Har plutseleg fått følelsen av total utmattelse

og sovna både på soffan og i stolen fleire ganger.

Stakkars gode kjærasten min

han har nok vore litt bekymra for meg denne gongen.

Det er ikkje enkelt å vere pårørande og ikkje heilt vite kva ein skal gjere til beste

for den som berre sovnar bort

sveittar og frys

blir lite pratsom

irritabel og grinete.

Eg er så uendeleg takksam for at han er her

og har tolmod med meg

trøstar og muntrar opp

og køyrer etter "takeaway" mat når eg finn det for godt at det er det eg vil ha.

Men eg har kome gjennom dagane og nettene

eg har hatt matlyst

og vore ute på tur

på strikkekafe

og varmtvannsbading

som tidlegare....

....men eg kjenner at det har "kosta" meir

å prøve å leve som vanleg

denne gongen.

Og så veit eg at eg er ikkje den som har det verst

det er mange andre som har det mykje verre under slike giftangrep som eg har hatt.

Eg har trass alt ikkje spydd ein einaste gang.....bank i bordet.....

Og NO ser eg slutten

enden i tunellen

Eg har diskutert vidare behandling

med antistoff og antihormon med legen min.

Og om to veker er eg klar for siste kur

og då er det ikkje lenge att før eg kan realisere

Reisepresangen vår

For det er heilt vanleg å få premie

når ein har vore flink enten hos tannlegen eller doktoren - så det så....

Bildet er lånt her

Det er vel ingen som tvilar på at eg gler meg

til å innta denne terassen og kose meg på dette hotellet

om nokre veker.

Snakk om gulrot:-)))

Ny duppeditt

2012-01-08T20:49:00.000+01:00

Jau så har eg altså gjort alvor av tankane mine

kjøpt meg ny mobil

av typen HTC -

med slik "tutsj" skjerm.

Eg hatar slike nye duppeditter

både når det gjeld ny PC og telefon -

TV kontrollar er heller ikkje mi sterke side.

Veit ikkje heilt kva som gjer det -

men eg trur kanskje at eg vegrar for å bruke så mykje energi

på å sette meg inn i korleis slike ting virkar.

Det er så greit med det eg kan -

når eg veit korleis eg skal betjene det

og når eg får det til.

Etter at telefonen hadde lege i ro i eit døgn

manna eg meg opp og sette igang.

Og ja eg har fått til litt -

eg har funne ut at den går ann

- å ringe med den

- å ta bilder

- å sende melding....

....har sågar vore inne på Facebook:-))

Er nok nokre som har ubesvart annrop

på loggen sin frå meg,

då eg plutseleg

ringde både hit og dit -

og febrilsk trykte på "avslutt samtale" knappen.

Har fått til nokre ganske bra bilder -

og også klart å få dei inn på bloggen:-))

-mega stolt av meg sjølv

- berre sjå her

Kjærasten med snøfresen

Godt med snøfres med så stor gardsplass

Kan trengast på terassen også

Storbjørkene og vinterhimmelen

mot vest

Finurleg effektknapp...

.....sola er der i bakgrunnen

Ei storebjørk mot sør

Endå ein effektknapp

Mange fine ting ein kan gjere med

ny mobil.

Eg brukar den nok helst til å ringe med

og sende nokre meldingar

Men må innrømme at det var litt

artig å få foreviga den fine vinterdagen vi har hatt her i dag.

Har avslutta med middag på resturant i dag -

og no er det snart tid for å sove seg fram mot

cellegiftkur nr. 5.....

...og DÅ er det berre ein att:-))))))

Vandrar med freidig mot

og ser slutten på giftangrepa

Håpar de får ei flott veke alle mine gode lesarar

Eg kjem til å ta dagane, timane og minutta

pø om pø

og tenkje på ein sommardag

som kjem etterkvart

Jannetoveklem

Kvardag og stive prisar

2012-01-03T21:09:00.001+01:00

Kvardag igjen

etter ei roleg jule og nyårsfeiring -

med form som har gått litt opp og ned.

Frå småkvalme døsige dagar

til dagar med kjempeenergi.

Viste de forresten at "hålåss" er ordet for kvardag her:-))

No er eg inne i veke 3

etter 4. FEC100 kur

og kjenner at formen er stigande.

Bivirkningane kjem i bøljer

og omlag til same tid kvar gang.

Først dei småkvalme dagane

som denne gangen vart betre

pga akupunktur, seaband og Ingefærte.

Nettene med dyvåte sengkle -

andletsfarge som skiftar frå normal til traffikklysraudt på sekundet

Så dei utmatta dagane -

før dei tunge dagane,

når hetetoktene rår og det riv og slit i operasjonsarret.

Det er då eg føler at eg "kjenner" kreften

Sjølvom den er borte -

minner smertene i arret

meg om at den har vore der

Då vert tankane tyngre og

dagane gråsvarte

Då får eg reinsa tårekanalane

og letta litt på trykket.

Så kjem dagane med kviseliknande utslett

som ploppar opp både i andletet og elles på kroppen

Så rett før neste kur føler eg at

eg er i normalt gjenge att.....

....så er det inn for ny kur....

....og slik går no dagane:-))

Berre 2 gangar att no:-))

Men eg skal ikkje klage

eg er med på ein nettstad for damer som er i same situasjon.

Der kan vi dele sorger og glede

og diskutere bivirkningar på godt og vondt,

og gje kvarandre støtte og oppmuntring -

og lire av oss frustrasjon og sinne og få støtteklemmar sent med vinden.

Og der ser eg at eg er heldig

- eg har få bivirkningar i forhold til mange andre.

Men noko eg syns eg kan få lov å klage over

er prisane på spesialundertøyet som vi med brystproteser

må ha.....

Kjøpte 4 stykk av typen på spesialbutikken idag

og fyttikatta for ein pris...

2.500,-

for herlegheita...

...einaste forskjellen frå vanleg - er at det er sydd i ei lomme til plastikkpuppen....

...og det for noko som ikkje syner ein gong...

Jaja like fattig og like rik

Eg går med heva blankskalle og veit at innafor skjorta

er eg iallefall stivpynta:-))

Nyt dagane og klem frå meg:-)

Mitt annaleis år 2011

2011-12-30T22:53:00.000+01:00

Mitt 2011

vart eit annaleis år

både på godt og vondt

Eg fylde 50 år

i påska

og såleis fekk eg oppleve ein milepæl i livet

Eg gledde meg over å få lov å bli endå eit år

Gåva frå kjærasten

var ein stor draum

eg fekk oppfyllt

Ein tur med Hurtigruta

frå Bergen til Kirkenes

og tilbake

på flott lugar

med god mat

og tusenvis av gode opplevingar

og inntrykk

Opplevingar eg fekk ilag med han som er min beste ven

min gode kjærast og støttespelar

Finnkjerka ved Kjøllefjord

Mot slutten av turen

fekk eg første varsel

om at noko var feil

Men i gledesrusen over turen

klarde eg å la vere å tenkje på at det kunne vere sant

Utover sommaren vart teikna tydlegare

og eg sjøna at noko var fatalt gale

Noko vaks i kroppen min

og eg var i ferd med å

oppleve det store marerittet

Eg gjekk frå den store gleda

til den mørkaste redsla

Tida fall lang

når eg gjekk å venta på svar

Svar som kunne endre livet mitt fullstendig

Det var ei tid full av angst og redsle

håp og tru

glede og gråt

Og i august var det ikkje lenger muleg å la vere å ta det innover seg

Det var eit faktum

Eg hadde fått kreft

Eg måtte gå den tunge vegen

og fortelje borna mine at eg var sjuk

Samtidig som legen sa orda til meg

kom roa

då kom styrken

Dette skulle eg klare

dette skulle eg møte med humor

åpenheit

og styrke

men også tillate meg å ha tunge stunder innimellom

Så gjekk det slag i slag

Operasjon

Cellegift

Hausten har gått så fort

og med handa på hjarte kan eg seie det har vore ei fin tid

til tross for kvalme

til tross for engstelse

til tross for tunge stunder

Denne hausten har eg møtt så mange flotte menneske

som har gitt meg støtte

omsorg og gode ønsker

Eg har fått prøvd mange nye ting

frå operasjon og fram til i dag

Eg har fått med mange nye erfaringar

lærdom som eg alltid vil ha med i bagasjen

Å måtte barbere hovudet

avdi dei korte hårtustane stakk når eg la hovdet på puta

vart berre artig

når den gode Helenejenta mi

tok høvelen og barberskummet fatt

og raka skallen til mor

og kjærasten tok bilder i alle vinklar

Då sat latteren og galgenhumoren laust

der vi alle tre beundra resultatet

Helene i full sving med skum og høvel og no er mammahovudet blankt og mjukt.

Eg kjem til å gå inn i det nye året

med mange utfordringar

Eit par cellegiftkurar til

Så kanskje nokre veker med stråling

Antistoff kurar kvar 3.veke i eit år

Antihormontablettar i 5 år

Alt dette er medisin som vil forringe livskvaliteten min reint fysisk

Men eg er budd og har tenkt å kome igjennom det på ein god måte

Vi har så mange planar for 2012 - eg og kjærasten

Vi skal realisere fleire store draumar

Vi skal leve livet og gripe dagane

Vi skal le og gråte

Vi skal leve

og håpe at året blir slik vi ynskjer

Eg vil takke for kvar dag

Takke for styrken eg har

Takke for humøret eg er velsigna med

Takke for alle som er rundt meg og som viser at dei er glad i meg

Å leve med kreft

er vanskelegast

FØR du har opplevd det

Godt nyttår til alle eg er glad i

og takk for det gamle:-))

Jannetoveklem

Romjulsbesøk

2011-12-29T10:34:00.000+01:00

Her på Hadeland

regnar det i dag

det er vått og glatt

der vind og regn ikkje allereie har tina isen

Her i stova er det varmt og godt

Brennsnuten var ferdig i går kveld

og skal berre varmast oppatt idag

den smakar ekstra godt

når alle smakane har fått satt seg

Hompekaka (kvæfjordkake)

vart fyllt seint i gårkveld

slik at den også får "satt" seg

Alt er klart for å ta imot

romsjulsgjester

Systa og familien frå Vestby

og hennar svigerforeldre frå Stokmarknes

kjem på besøk

No skal vi berre leite fram

nokre ekstra stoler og ei innleggsplate

til spisestova

så kan vi kose oss med 9 rundt bordet seinare i dag

Slike stunder er

det som er viktig i livet

Å kunne dele eit bordsete

ilag med kjente og kjære

Håpar din Romsjulstorsdag

blir fin.....

.....eg gler meg iallfall til min

Klem

Berre meg og alle andre

2011-12-27T22:52:00.000+01:00

MEG

Gjennom livet

Dag etter dag

Gjennom gleder

Gjennom sorger

Åleine - eg er alltid meg

Tenkjer berre mine tankar

Berre eg heile tida

Ser alle andre – alle dei flotte

Alle dei vellukka – alle dei rike

Alle dei sorglause – alle med suksess

Tenkjer eg ville vere ein annan

Ville vere flott – vellukka – rik – sorglaus og med suksess

Alle andre går og gjennom livet

Åleine – med sine tankar

Alle andre har og sine sorger – sine gleder

Alle andre tenkjer kanskje det same

At dei vil vere ein annan

Så kanskje er det greitt at eg er meg

Med mine tankar - sorger og gleder

Vi er mange - og om vi ser oss rundt og deler

Så kan vi vere oss sjølve – saman

-jannetoveløken nov-11-

Med ønske om roleg Romjul

Klem

Glad jul

2011-12-25T11:57:00.000+01:00

Eg er så glad

det er første juledag

og her i huset står

ribbe og lefse på bordet

og kvar og ein kan

tusle rundt i romslege klede

og nippe til maten

og berre nyte den stillaste dagen i året.

Eg er så glad

fordi eg hadde ein så fin julekveld i går

i lag med gode Helenejenta

beste kjærasten

og ein fallskjermvenn

I tillegg dukka det opp ein

uventa gjest frå Sunnmøre

på gjennomreise

som hadde tid å ete julegrauten ilag med oss

Eg er så glad

for at forma etter siste kur

har vore så bra

Glad for at akupunktur og seaband

hjelpte på kvalmen

Glad for at eg har greidd

å ikkje stresse og mase med juleførebuingane i år

Glad for at eg har eit nettverk

rundt meg

som sender gode tankar og klemmar

Glad for at eg veit

at dei to gutane mine som feirar jula

andre stadar har det bra

veit at alle mine rundt om har gode dagar

Jula i år er spesiell

det er ikkje noko spesiellt kjekt å være i ein situasjon

der ein må gjennom tunge tak med cellegift

Men i slike situasjoner

vert ein sterkare

ein ser ting litt annleis....

...livet og dagane får eit anna perspektiv

.....og akkurat no så ser eg lyst på livet

ser fram til å bli ferdig med kurane

ser fram til å leve godt i 2012

Ser fram til å nyte gode dagar ilag med dei som eg bryr meg aller mest om:-))

Ha ei fortsatt fin Romjul

....det tenkjer eg at eg skal ha.

Klem

4 av 6 er gjennomført

2011-12-19T20:59:00.000+01:00

I dag har eg vore på

kur igjenn

- den 4. av 6

Hadde med Helenedattera

som sjåfør og

moralsk støtte

"Visegutt" var ho òg

- spurta på apoteket og fekk

påfyll

- ein pose full

med små drops

som skal

bære meg gjennom dei første dagane

Akkurat no

er formen fin

eg har fått julebrus

og ein ny type vanlege drops

som har god smak

Frykeleg greit med

litt god smak

i den emne munnen

Grana vart kjøpt på Bohus

og ser forundereleg ekte ut

Og når den vart pynta i går

syns eg jammen det var stas.

Godt å vere nesten ferdig

til jul

Berre småting som står att

ting som kan beordrast frå soffan:-))

Eg er heldig eg

som får behandling

i pose og sekk

når det tengst

Midt i julestria

sender eg varme tankar

til dei eg kjenner som slit

med sorg og savn etter nokon som vart borte

- som brått måtte innsjå at jula ikkje vart som dei trudde

- som grur seg til jul fordi nokon er så sårt sakna

Husk å lev her og no

Klem

Aksept

2011-12-13T17:52:00.000+01:00

Det er mange ting her i livet vi så gjerne skulle vore foruten

men så må vi ta det med allikavel

Vi har av og til ikkje noko val

Men det er ofte at ting blir betre om ein Aksepterer

det som har skjedd -

lærer seg å leve med situasjonen -

lærer seg å godta at det er slik det er -

og slik vil det vere

Då kan ein bruke energien

på positive tankar istaden

For meg var det vanskeleg å akseptere at

eg hadde fått ein kronisk sjukdom

ein sjukdom som er omstridt

ein sjukdom som ikkje syner -

og som mange trur er innbillt

Men som for den som har den

betyr smerter og uro

søvnvanskar

konsentrasjsonsvanskar
utmatting

stress og angst

og ikkje minst sorg over tapt helse

AKSEPT

Eg høyrer at du seier det

Eg ser at du meiner det

Eg kjenner at det er slik

Men alt i meg strittar imot

Eg vil ikkje at du seier det

Eg vil ikkje at du meiner det

Eg vil ikkje kjenne at det er slik

Eg vil bort

Bort frå orda dine

Bort frå truverde i auga dine

Bort frå smertene i kroppen min

Eg vil ikkje akseptere

Eg må høyre at du seier det

Eg må akseptere at du meiner det

Eg må godta smertene i kroppen min

Eg åleine må innsjå og akseptere at diagnosen er Fibromyalgi

Desse orda kom til meg

i møte med ei fortvila dame

som hadde fått same diagnosen som meg

ei dame som sleit med å akseptere at ho i ung alder

måtte gje tapt i arbeidslivet

Ei dame med ein stor sorg

over å ikkje kunne yte for samfunnet lenger

No har denne diagnosen mindre betydning for meg

den er der - og cellegifta forsterkar smertene

men no er det kampen for å bli frisk av kreft som

gjeld for meg

Her må eg også lære meg å Akseptere

innsjå at livet har tatt ei anna vending enn eg hadde håpa på

Mitt opp i dette

kjenner eg at kreftdiagnosen er lettare å akseptere

Kvifor spør du kanskje......

.....jau det er fordi det syner

ingen trur at eg innbiller meg at det var kreft i brystet mitt

mitt hårlause hovud et eit tydleg bevis på at kreften har budd i kroppen min

Det finst mange der ute

som slit med diagnoser

som ikkje viser så godt utanpå

men dei kan vere like tunge allikavel

og det verste er å ikkje bli trudd

Nostalgi

2011-12-11T13:57:00.000+01:00

3. sønadag i advent og eg har ikkje tent lyset enno

men eg har leita fram juledukane og stroke dei

og lysa vil eg tende når det mørknar litt

Blandt min julepynt finst det

nokre få godbitar

nostalgiske småting

som eg har arva frå mi kjære mor

Juleduken er så tynn

og sart at det er berre så vidt eg

tør å vaske og stryke den

Men fram på bordet må den i jula

for å minne meg på tider som var

gode tider i mammahuset

Minner er gode å ha

gode minner

No er det berre nokre dagar til

eg får besøk

først av den yngste sonen

og dagen etter kjem dattera

Eg gler meg som ein unge

til å få besøk

og ha gode dagar ilag med

dei som betyr så mykje for meg

Idag skal eg berre kose meg

med litt handarbeid

og god mat

og tilslutt ein tur ut i kulda

for å gå meg ein tur

Eg fyller energibegeret mitt

Kva gjer du i dag?

Klem jannetove

Min "fjord" og mitt "hav"

2011-12-07T09:19:00.000+01:00

Ein treng ikkje alltid gå så lang ein tur

før ein føler at ein har fått fyllt opp energibegeret
I nydleg småkaldt veir
og med eit lyst sinn
tok eg turen til Badestranda i går

Det er ikkje lange biten frå her eg bur
ein fredleg plett på vår jord
Stranda ved Jarenvatnet

Trur kanskje dette er omkledningshus....

I den lave vintersola

ligg stranda der

med utsikt mot

Granavollen

Lange strå i vannkanten

iferd med å fryse inn

Fuglar som stille

flyt på den vesle delen av vatnet som enno er open

Badebrygge

og vinterstille gardar

Dette er min "fjord" og mitt "hav"

Det er denne vass- spegelen eg ser frå stoveglaset vårt

Denne vass-spegelen som er så viktig for meg som er vand med fjorden og havet

Det at eg kan sjå ope vatn og åsane i vest

gjer at eg ikkje føler at vestlandet er så langt borte

Så må eg også fortelje at eg har vunne

trekninga hjå

Englekalendaren

ein flott adventskalendar -

så no ventar eg på å få ein ny engel i hus:-))

Ha ein god dag alle der ute

klem jannetove

Advent - ventetid på mange måtar

2011-12-06T08:43:00.001+01:00

Gifta har herja frå seg for denne gong

Det har vore ei tung veke på godt og vondt

Alt gjekk så fint med Veneport mandag

Cellegift på tysdag gjekk som ein leik i den nye VAPèn

og onsdag følte eg at eg hadde overskot og krefter

Var på strikkekafe og møte i Fibro`n

Litt kvalm og sliten innimellom

men eg hadde jo ein grunn for det

og ikkje vil eg vel leggje meg føre heller

Torsdagen var det avslutning på Livslystkurset

det ville eg så gjerne ha med.....

.....men på strikkekafeen om kvelden måtte eg "melde pass" og reise heim lenge før tida

Fredag, laurdag og sundag
er dagar som ikkje skal få stå fremst i hukommelsen
Kvalm og motlaus
vondt i kroppen
vondt i hovud
trøtt - trøtt - så uendeleg trøtt
sveittetokter og frostrier
Ei lang vandring nederst i kjellartrappa
berre nokre få stunder nederst i loftstrappa

Men det er når eg har det slik
at trykkventilen opnar
at alt det tunge og vonde får utløp
i sinne, frustrasjon og salte tårer
Det er når eg har det slik at tankane og kroppen vert rensa
Det er i slike dagar
eg finn trøyst i ein kjærast som held rundt meg og pakkar meg inn i pleddet på soffan
og minner meg på at etter regn kjem sol

Og ja
det går over
etter regn kjem det sol
I går kom sola for fullt
Energien og livslysta var tilbake
og alt vart så mykje betre

På trappa står lyset tent
Nissen er komen på sin faste plass

Etter nyttelaus leiting

etter julelysa frå i fjor

gjekk eg til innkjøp av nye lysslynger

og eg og kjærasten kosa oss med

å sette dei nye lysa opp på verandaen

Og "Ottanissen" står igjenn og helsar
frå Haugsbakken
Den gamle gode Nissen som
svigermor Otta
laga for mange år sidan

Tradisjon
Glede
og Tru på gode dagar

Når desse tunge dagane

har tatt seg ei pause

kjem også orda

orda som berre plutselig er der

og dannar små dikt

STRENGEN

Der er ein streng - lang der inne i meg

Ein spelestreng

Som spelar livet mitt

Stundom som ein stile bekk - trillande lette og mjuke tonar

Stundom som ein brusande foss - buldrande tunge og mørke tonar

Stundom som stille vatn – rolege vare og gode tonar

Stundom som stormfullt hav – såre salte og vonde tonar

Tilsaman er dette livet mitt - det er tonane i hjarta og sjela

Melodien som gjer meg til eit heilt menneske

Jannetoveløken -11

I dag spelar eg julemusikk
et klementin til frukost
brenn levande lys
og ser at sola renn i sør
...og kjenner at eg har det godt

Grip dagen min venn - lev i nuet

Jannetoveklem

Nattevandringa

2011-12-02T04:38:00.000+01:00

Eg berre kviskrar litt

fordi det er midt på natta

berre ein liten tur innom her

for å syte litt......

Knalltrøtt og kvalm

tissetrengd og tørst

Klokka er berre 04.00

og eg er oppe på mi faste

nattevandring

mi faste kvalme-nattevandring

kan eg vel heller kalle det

Har vore ein tur på do

opna meg ej julebrus

(ja du las rett)

rista meg ei loffskive med Greddost på

og putta i meg to afipran

tablettane mot kvalmen som eg kan ta innimellom

når eg har behov for det.

Eg har funne ut at eg har behov for dei

både tablettane,

doturen

loffskiva og julebrusen

midt på natta

dei første nettene

etter giftangrepet

Berre siste biten av skiva er komen i magen

og tablettane har virka litt

er eg eit nytt menneske

Då forsvinn kvalmen

tissetrongen reiste allreie på do

og tørsten er slukka

Men det er litt

tungt å kome dithen.....

Men du....

når eg fyrst sit her oppe

med eit teppe rundt meg

med datan på fanget

(eg slår den ikkje av om kvelden slik at "de" kan halde meg med selskap med ein gong)

Så kjenner eg plutselig

at det er litt godt -

det er mørkt ute

vindstille

og stjerneklart

eg kan "surfe" litt på

blogger

nyheiter

og FB

- sjå kva som har skjedd sidan eg

tusla i seng

forholdsvis tidleg i går kveld

og eg kan kjenne på stillheita ei vinternatt

Dette er den tredje natta

etter giftangrepet

og viss det er som forrige gang

så er det siste kvalme-nattevandringa

for denne gongen

Eg er halvferdig med kuren

No blir dagane betre og betre

det er advenststid

og eg kan kose meg

og nyte dagane

fram mot neste angrep....

.....men den tid den sorg

No tuslar eg meg inn i senga

og tek resten av nattesøvnen

og når eg våknar

tenkjer eg at eg har ein god dag.

Natteklem frå jannetove

Ned og opp og vips så ordnar det meste seg

2011-11-29T19:58:00.000+01:00

Livet går i bølgedalar

det har eg fått kjenne på dei siste dagane.

Eg var så innstillt på å få inn Veneporten på fredag

men då var verdien som fortel om kor godt imunforsvaret mitt er nede på 0,6...

....og legen som skulle

operere meg meinte at eg nok ikkje ville få cellegiftkur på måndag heller.

Det er slik at for operasjon må denne verdien vere på 2 og helst 2,5 slik at

infeksjonsfaren ikkje er så stor. For å få cellegift kan den vere ned mot 1

Kjende at eg ramla fleire trinn i kjellartrappa

men ein liten "pepptalk" med kreftsjukepleiar fekk meg nokre trinn opp

og vi vart einige om at eg skulle møte til cellegift som avtalt

Så helga vart god den - men god mat - godt drikke og

småpusling i heimen i lag med kjæraste kjæresten min

og eg var mange turar opp loftstrappa

Måndagen kom og eg budde meg vel eigentleg på å måtte

reise heim for å vente nokre dagar på giftangrep

Derfor vart gleda så uendeleg stor

då eg vel inne hos kreftlegen vart fortald at verdien hadde stege til 3,1

i løpet av helga.

Med slik god verdi fekk eg oppleve eit helsevesen som

verkeleg kan samarbeide og få ting gjort i ei handevending

Kreftlegen kontakta Kirurgen på dagkirurgi

og han ville gjerne ta seg tid til å la meg få sett inn Veneporten same dagen

og på Kreftpoliklinikken fant dei ny tid for cellegift dagen etter....

....og plutselig låg eg i ei seng på dagkirurgi

og venta på min tur

Litt venting måtte eg rett nok tåle

men klokka 17.00 var eg ferdig og kirurgen hadde sett over røntgenbilda mine

og kunne bekrefte at alt såg fint ut der inne ved lunger og hjerte

og eg fekk reise heim

No var eg nesten heilt oppe på loftet og romesterte

og i natt vakna eg fleire ganger - rett nok med smerter rundt operersjonsstaden

-men med glede over at eg skulle få cellegift berre ein dag forseinka

Idag reiste eg til Gjøvik og kreftpol med godt mot

litt god smertelindring i kroppen

og framleis vaglande i loftstrappa

Det intravenøse utstyret vart kopla til den nye Veneporten

og giftangrepet starta

først med saltvatn

så kvalmestillande

så kurdel 1

så saltvatn

så kurdel 2

så saltvatn

så kurdel 3

og det heile avslutta med saltvatn

deretter vart eg kopla i frå og kunne reise heim

med ny time om tre veker

Intravenøst utstyr kopla til Veneporten 291111

Veneporten er ein membran som er

operert inn rett under huda på brystkassa

ein slange går frå denne - under kragebeinet

eit stykke opp og nedatt i ei stor vene ved hjertet

Ei vene med stor kapasitet og stor blodmengde

Ei vene som tåler cellegifta mykje bedre enn

dei små venene som er i handa

Denne Veneporten kan ligge under huda i fleire år

og når eg skal ta blodprøver eller få intravenøs behandling

stikk sjukepleiaren berre nåla rett gjennom huda

og inn i membranen og dermed

er eg "påkopla" og klar for behandling

No sit eg heime i soffan

har ete godt og prøver å drikke mest mogeleg

tek mine nøye tilmålte kvalmestillande

og belagar meg på nokre dagar

der eg er litt uggen og sliten

Me du verda

det har ingen ting å sei

eg sit framleis og dinglar med beina i loftstrappa

og er glad eg bur i Norge

eit av dei landa som er

best på livreddande brystkreftbehandling

Eg har SÅ mykje å glede meg over

og når ein har vore ein tur i kjellaren nokre gangar

er GLEDA ekstra god å kjenne på:-))

Klem Jannetove

Kontrastar

2011-11-27T11:35:00.000+01:00

Fyrste sundag i advent

Her skin sola og det er vårleg temperatur

Eg ser på FB at snøen fell i gamlegrenda

og stormen feiar over hav og land andre stader i norge

Eg sit og har god sundagsstemning

med skirenn på TV`n

Har så smått planer om

å pakke inn julegåver

og kanskje strikke litt

Eg har ein god dag

og føler at livet smiler.

For ei tid tilbake

skreiv eg dette diktet

som er med på å minne meg

om å nyte dei gode stundene.....

KONTRASTAR

Ei mor gret over barnet ho miste

Ei anna gret i glede for det ho fekk

Ein mann skyt skarpt for å verge seg sjølv

Ein annan skyt elgen i lykkerus

Eit barn klagar over skuledagen

Eit anna gler seg til å endeleg få lære

Ein ungjente feller tårer for tapt kjærleik

Ei anna smiler nyforelska til kjærasten sin

Ei kvinne døyr av tørst og svolt

Ei anna går evig på slankekurs

Ein mann sørjer over tapet av kona

Ein annan feirar at si kjære fekk leve

Ein unggut fortvilar over knusktørr jord

Ein annan klagar over regn som fell

Alt skjer i same sekund - ein stad på vår store jord

Nokon gret – nokon ler – nokon døyr

Og nokon får leve

jannetoveløken - 11

Mitt advenstsfat

ber preg av å bruke det enkle

det eg fant i skuffen

Ha ein fin fyrste sundag i advent

Gled deg over dei små tinga

det er kanskje dei som er dei viktige.

Klem jannetove

Storm

2011-11-25T22:15:00.000+01:00

Her på Hadelandet mitt

er det stille og roleg ute

ingen vind

ingen bårer

ingen storm som herjar ute

Men akkurat i dag kunne

eg tenkje meg å vere ute ved havet

ved Runde

eller Flø

eller kanskje Kråkenes Fyr

Berre for å oppleve stormen

kjenne på at naturen

viser sin styrke

Roleg hav ved Runde januar 09

Men eg er ikkje ved havet

og kjenner på stormen

Eg sit her

heime i mi eiga stove

og har kjent litt på stormen allikavel

stormen inne i meg

Eg hadde så store forhåpningar til denne dagen

Eg skulle få operert inn Veneport

for å gjere det lettare

å ta imot cellegift

for å gjere det lettare å få antistoff

for å gjere det lettare å ta blodprøve

Men eg vart vennleg beden om å reise heim

blodprøvene som viser kor bra imunforsvaret mitt er

var på bånn - skikkeleg på bånn

Fekk beskjed om å vere ekstra på vakt no

ekstra påpasseleg med handhygiene

For no er eg lite imun

Så lite imun at om ikkje verdiane stig til mandag

så vert eg vennleg skyssa heim

utan å få cellegift

Det er rart

eg vil jo eigentleg ikkje ha den gifta

men eg vil så gjerne ha ho til rett tid allikavel

for eg veit jo at det er den som skal beskytte meg mot at tullecellene

finn på å vekse fram att

samtidig som det er den som bryt meg så ned

Men stormar går over

Eg har tent mange lys

det er fyr i omnen

Eg har kosa meg med gullrekka

lese litt bloggar

ete litt godt

og drukke julebrus

og berre kjent på at det er helg

Og om ikkje så lenge skal eg sove meg inn i laurdagen

vakne til ein ny dag med nye opplevingar

Så får mandagen kome

med dei utfordringane det blir

enten det blir gift eller ikkje

Å oppleve ein storm

å slite seg igjennom den

gir styrke til å ta imot gleda

og vekeleg glede seg over stilla

når stormen har lagt seg

No er det roleg og stillt

både inne og ute

her på Hadelandet mitt

God helg til alle

både de som står i stormen

og de som leikar i gleda

jannetove

Julemarknad, nye gjestesenger og ein god Søndag

2011-11-20T17:36:00.000+01:00

Roleg og god søndag

Litt sein frukost

som kjæresten

serverte med

stil og smil

Så ein tur på Julemarknad

Englane kjøpte eg i fjor

og då tenkte eg det passa fint med

ei stjerne i år

Englar og stjerne laga av Carina Maritza Vildem

Smykkesettet i sølv

har eg kikka på lenge

og i dag tok eg sats

og kjøpte det

tenkte kanskje eg fortjente det

Så fant eg også eit

smykkesett i glas

som eg ska bruke

til den nye kjolen min

Oransj er fargen for meg i år

Sølvsmykka laga av Jane Johnsen

og glassmykka laga av Carina Maritza Vildem

Ein annan lur ting eg fant

var denne papirlommetørkle-posen

Kjempefin å ha i veska

når nasen treng ein puss

Papirlommetørkle-pose laga av Kari Bjone Engelien

Siste vekene har det vore

arbeidd med eit nytt gjesterom her i huset

Trappa til kjellaren vart tatt bort

og når golvet kom på plass vart det eit rom på 6 kvadratmeter

Ikkje så store romet

men godt utnytta

gjev det to gjestesenger, nattbord og skap

og vi har plass til fleire gjester i slengen

Dette er blitt mitt "Furterom"

Her skal eg ha pass til strikke og sysaker

viktige papir og diverse småting som

ikkje får plass andre stader

Rommet er mala i heilt kvitt

noko som eg kjenner gjev ro i sjela

Men det er greitt å ha litt fargeklattar til det heilt kvite

derfor vart det "sirkus" gardiner og mørkeraude sengtepper

Dei heimelaga hønene har også fått ein stad å bu

Eigentleg påskepynt

men i vinduskarmen på "furterommet"

passar dei heile året

Ein fin søndag har det vore

og no skal kvelden berre senke seg

og så er eg klar for ei ny veke

ei veke med mange gode avtalar

og forhåpentleg

ein operasjon på fredag...

...men det avheng av blodprøveverdiar

Eg skal nemleg få operert inn

ein veneport

så slepp eg å ha så vondt i armen

av cellegifta

Det tenkjer eg skal bli bra

Klem jannetove

På fest

2011-11-19T16:25:00.000+01:00

Morgonen i går var vakker

sola skein så flott

på Granåsen

då ho kom opp over åsane i sør

Usikt frå verandaen 181111

Eg brukte dagen til å

ladde opp

meg sjølv

før vi skulle til Oslo

og på fest med Ofsk

Eg tok aromaterapi

og berre pusla med å

pakke finkleda våre

Slappa av og kosa meg

Vel framme på Hotel Bristol

var det godt å finne eit

delikat rom og god service

Vi masa ikkje mykje med å finne

ein stad å ete og fekk bord

på Bristol Grill

Der nytte vi god mat og godt drikke

Eg tok lutefisk med alt som høyrer til

det er så godt syns eg.....

....men cellegiftmagen min syns nok ikkje det nei

Godt at hotellroma har eige bad....

Noko forseinka kom vi oss vel avgarde til festen

Vi rusla den korte vegen

ute i ein tidleg Oslokveld

Mange flotte menneke

helste oss med gode klemmar

og varme handtrykk

Praten gjekk livleg

og eg kjende at energibegeret mitt fyldest

med glede over å få vere ein del av eit stort felleskap

Som Askepott

forlot vi selskapet i god tid før klokka slo tolv

og rusla gjennom Oslonatta tilbake til

hotellet og nattesøvn

Det er vel berre å innsjå at vi mest truleg

gjekk til sengs

idet Oslo vakna på rett ei natt til laurdag

God frukost og fin tur heim

Då var det godt å få fyrt opp i omnen

Då var det godt å finne sofaen sin

slumre der nokre timar

Dagen i dag bær preg av at eg ikkje er som eg var før og eg er sliten

sliten av å gjere nesten ingen ting

sliten av å ha vore ute i lag med mykje folk

sliten av at magen ikkje spelar på lag

Eg må nok berre innsjå at forgiftinga av kroppen

verkar inn sjølv om eg ikkje kjenner det direkte

Eg toler nok ikkje like mykje no som før kuren starta

Så sit eg her då og lurer på om eg fylde opp energibegeret eller om eg tømde ut.....

Sjølvom eg er sliten i dag så vel eg å tru at eg fylde opp

for så kjekt som vi hadde det

og så god som maten var

og så fint det var å "mingle" med gamle og nye bekjente

så var det ein fin opplevelse

I kveld blir det levande lys

litt lett mat

og julebrus

Og i morgon er nok dagen betre skal du sjå....

Klem jannetove

Enegibegeret vert fyllt opp

2011-11-18T08:41:00.000+01:00

Hadelandet mitt vaknar

og sola er i ferd med å Gripe Dagen

akkurat slik eg sjølv

er i ferd med å gjere.

Vakna før klokka ringde i dag

så glad og forventningsfull

til denne nye dagen -

- endå ei gåve i livet

Utsikt mot sør frå trappa vår 181111

Eg sit og fyller energibegeret mitt

med varm kaffi, levande lys og The Priests

på øyret

Eg sit og nyt den stille morgonen

med utsikt til ein time med

aromaterapi

før vi skal ha oss ein

tur til Oslo og bu på ærverdige Bristol

og delta på Oslo Fallskjermklubb sin førjulsfest

Men før eg kjem så langt

skal dagen nytast

Eg skal gle meg over at

eg har ein god dag

kose meg med litt huslege ting

og berre vere i livet

Utsikt mot vest frå trappa vår 181111

Her om dagen kom

denne boka i posten

Det er fyrste diktsamlinga til

Kristin

Ei fin lita bok

med gode dikt

om litt av kvart

Så når dei litt meir tunge dagane kjem

kan eg leite fram denne

og lese litt av dei gode orda

ho skriv

og på nytt fylle opp energibegeret mitt

Kva gjer du for å fylle ditt

energibeger

Husk at dette begeret blir tømd gjennom kvardagen

og må fyllast på innimellom

Finn din måte å fylle dette begeret på

så smiler livet litt oftare

Eit ynskje om ei god helg til alle mine lesarar

og alle andre -

- og takk endå ein gong for alle dei gode orda de legg att

-orda som også er med på å fylle opp mitt energibeger.

Klem jannetove

Små gleder

2011-11-15T10:14:00.000+01:00

Tåka ligg tjukk over heimen

nokre få minusgrader i lufta

og rimen legg seg på trea ute

Lykta som vart tent i går kveld

for å ynskje gjestane velkomen

får berre stå og brenne

til den brenn ut av seg sjølv

Ein fin kveld vart det

og i posten

venta pakke

med korta som eg hadde bestillt frå

Kristin

med bloggen Dikt for dagen

- gå gjerne inn å les alle dei gode orda ho produserer

Ho lagar også julekort

Nydlege julekort

med fin dekor i form av ord

gode ord

Gler meg til å sende

desse korta til

dei eg set mest pris på

Tenkjer på at det skal bli ein fin dag i dag òg

Snart kjem kjærasten heim til lunch

og vi kan dele eit koseleg måltid

før vi igjenn går kvar til vårt

for å bruke dagen vår.

Klem

Dagen i dag

2011-11-14T17:26:00.000+01:00

Skifte på senger dag

Vaske klede dag

Male gjesterom dag

Vaskegolvdag

Lage middag dag

Ingen kvalmedag

Snart vennebesøk dag

Berre ein god dag

Håper din dag har vore like god som min dag

Gode stunder

2011-11-13T22:03:00.000+01:00

Ei god helg

Vi har hatt

ein liten overnattings-gjest på besøk

god mat

levande lys

og ein roleg laurdagskveld

Søndagsfrukost med gjest ved bordet

og god tid

Gian Marco 7 år

Roleg søndag

med rydding av lauv i hagen

Rett nok ikkje så flott veir i dag

som i fjor då dette bildet er teke

men godt å vere ute å bruke kroppen

kjenne på at formen og energien

er tilbake

etter nokre litt tunge dagar

No kjenner eg at eg er klar for

ei ny veke

nye mulegheiter

og kanskje er vi heldige og får litt snø

slik at verda blir kvit og fin.

Ha ei fortreffeleg veke der ute

Eg har tenkt å kose meg

og Gripe dagane mine og leve NO

Klem

Opp og ned

2011-11-12T10:22:00.000+01:00

Denne veka vart eg forgifta igjen

det var tyngre denne gangen

metallsmaken

kvalmen

kroppsverken

hovudverken

kjellartrappa har lege på lur heile veka

det har ikkje gjort det noko betre

at tåka og gråveiret har vore dominerande

jarenvatnet i tåke

Men som tåka

har letta opp og sleppt til sola

har det letta opp litt

i hovdet mitt innimellom også

og eg har kvilt meg i loftstrappa innimellom

Strikkinga saman med damene på onsdag

Livslystkurset på torsdag

Strikkinga på torsdagskvelden

shopping og kafe i lag med Rosalis og Gian på fredag
alle gode helsingane på bloggen
og klemmane frå kjæresten

Jau det har vore lysglimt

sjølvom det kjennest litt vanskeleg å sjå dei innimellom

hauststrå speglar seg i jarenvatnet

No er det verste gjort for denne gang

og eg har 2 blande veker framføre meg

der eg nok kan rekne med at formen

er betre

og eg kan fokusere på å vere i livet

akkurat her og no

ta eit steg om gangen

og glede meg over

livet

Klem janntove

Min spesielle godteributikk

2011-11-09T20:50:00.000+01:00

Ikkje akkuarat den beste dagen i dag

merkar forgiftinga god

men takk og lov for gode drops

og ein varm dusj

Så eg kom meg på strikkinga

og fekk begynnt på ei slik flott lue

med alpakkadusk

Mange fine strikkekle er

utstillt i godtebutikken min

Garnboden

Mykje fint garn er kome inn

og bordet vert dekka med lunch

kvar onsdag

når damene møtest

Ny og fin disk har kome opp

og etter kvart blir det muleg å kjøpe seg ein

kaffikopp og litt å bite i her inne

Her i denne butikken

treff eg mine gode venninner

og her har eg mine friminutt

her gløymer eg plagene for ei stund

og her kosar eg meg "glugg ihjel"

Heldige meg som kan

kome hit og dele strikkegleda med mange flotte damer

Takk alle saman

jannetove

Lys i kvardagen

2011-11-08T21:05:00.000+01:00

Haustmørket er i ferd med

å senke seg

og husfrua går rundt og tender

levande lys i alle krikar og krokar

fyrer opp i omnen og førebur middag

Tåka har vore tjukk som graut

i heile dag

først når det nærma seg

solgang

letta den så pass at vi fekk sett himmelen

og solnedgangen

Så får ein ta eit bilde av den

slik at ein huskar korleis den ser ut

For no er det tåketid her på Hadeland

Kaldt veir og open Randsfjord

tåkelegg Viggadalen

Ute driv kjærasten

å monterer utelys

6 nye lykter langs oppgangen og framfor garasjen

vart tent i kveld

Og inne står ei lykt og skin mot nordvest

Og på spisestuebordet

er det haustdekorasjonen som

lyser opp for oss to som sit her

og deler alle måltid

Lys i kvardagen er viktig

Eg kjenner på at verda er lys

Eg gler meg over kvar dag

og i morgon trur eg kanskje at eg skal

kunne kome meg på strikkekafe

og få ei lita stund ilag med damen om ikkje anna

Livet er fint

jannetove

Drops og gift og Nordkapp

2011-11-07T21:31:00.000+01:00

I kveld er det sofakos

med 71° Nord

Eg heiar litt på Birgitte

Ho er frå Ørsta

og eg kjenner litt til familien hennar

då blir det lett å heie på ho:-))

Her er bildet av Mitt Nordkapp

I påska då eg og kjærasten var der

i sol og flott veir

vi åt vafler og drakk kaffi i kafen

og såg filmen

Det var før verda rasa

før tullecellene i kroppen

Det var ein fin tur.

Godaste kjæresten på Nordkapp sjærtorsdag -11

Eg et og puttar noko i munnen heile tida

og eg har lov å gjere det

Har blitt forgifta igjenn idag

og fått mange mange resepter

på fine drops som hjelper

mot kvalme

mot smerter

og for å slappe litt av

Eg kjenner på meg

at eg er utruleg heldig

som bur her til lands

og kan få alle desse dyre

dropsa

slik at eg slepp å ha det så

forferdeleg trasig

når eg blir forgifta

....litt uggen

---litt småkvalm

....litt sliten

....masse glad

Klem jannetove