Små gleder...

I dag har vi eit litt ubestemmeleg veir ute, det er -11°C og sol og snø om einannan - fuglane syng så ein skulle tru at våren var i emning - men vi må vel vente nokre veker til vil eg tru.
Eg har lese gode tilbakemeldingar på blogginga mi, sinnet er lyst og eg kjenner at eg kan glede meg over dei små tinga i livet mitt.













Så felle augene på dei fine plantene som eg har fått inn i stova. Det er akkurat som om våren har tatt seg ein tur på besøk der dei står å skin i glaskarmen. Men det er ikkje berre blomane som gjer meg glad - eg har vore ein tur på bruktmarked og funne meg 2 fine vevde løparar til ein særdeles billig penge. I tillegg dette fine retroservice som eg fant ein annan gang.


Kvar gang eg dekker med dette service som nokon var lei av, kjenner eg at eg må smile over at det av og til skal så uendeleg lite til for å gjere meg glad.
Kanskje er det alderen som har begynnt å "ta" meg sidan eg finn glede i slike "gammaldagse" blomster og gamle ting? Om så skulle vere - ja så er eg takknemlig for det også eg - tenk på alternativet.
No vil eg leite fram boka mi, lage meg ein kaffisjokolade, legge i omnen, ta på meg det fine teppe som Otta har laga og sette meg godt til rette og flyte bort ei stund.

Eg er vel heldig som har det så godt:-)