Tek du utfordringa???

Ser at enkelte andre i bloggverda har kome med forskjellige utfordringar til sine blogglesarar - og det kan jo vere litt artig å sjå kva som kjem ut av det. Eg sat nett og las bloggen Arachne og fant ut at eg vil sende ei utfordring til mine bloggvener.

Livet kan vere så utrulig vanskeleg av og til og vi går gjennom dagen og ikkje ser noko positivt i det heile. Men uansett kor svart ting verkar så veit vi jo innerst inne at det er mange ting å glede seg over. Eller vi har det godt på alle måtar, men kjenner på at vi er i dårleg humør og syt og klagar over bagatellar. Då er det at det kan vere lurt å lage seg ei "positivliste".

Så her kjem mi "Positivliste" og eg utfordrar alle om å lage seg ei slik liste - saman kan vi påverke kvarandre til å sjå gledene rundt oss....

• Eg har ikkje alltid akkurat det eg har lyst på i kjøleskåpet, men eg kan ete meg mett kvar dag
• Eg er ikkje alltid like glad i å legge meg, men eg har ei varm god seng å sove i kvar natt
• Eg er ikkje alltid like fornøgd med det eg finn i kleskapet, men eg har varme klede å ha på meg så eg ikkje frys
• Eg hatar å vaske hus, men eg har eit hus å vaske.
  
• Eg er drittlei snøen, men eg elskar variasjonen i årstidene
• Eg er ofte missfornøgd med hårsveisen, men eg har hår
• Eg slit med smerter i musklar og ledd, men eg er ikkje alvorleg sjuk
• Eg har opplevd mykje vondt, men det har gjort meg sterkare og klokare
• Eg er ikkje rik på pengar, men eg rik på gode minner
  

• Eg har 3 flotte ungar som er glad i mor si
• Eg har venner og naboar som bryr seg om meg
• Eg har ein kjærest som ser meg og som er glad i meg
• Eg har ei fantastisk veninne i svigermor mi

Dette er berre litt av det eg kan vere glad for - det som eg kjem på i full fart her eg sit - og medan eg sit og lagar ei slik liste, kjenner eg at eg er priviligert.