Vinterhav

Vinterhav

mandag 11. oktober 2010

God haust....

I dag våkna eg til skodde - tjukk skodde. Det er eit vanleg fenomen her på hadelandet mitt om hausten når det er kaldt og fint veir. Grunnen til det er iflg. kjæresten at Randsfjorden har lagra mykje varme frå sommaren og når det då vert kaldt og klart i lufta dannar den varme fjorden skodde som sig sørover Viggadalen til oss....Det fine er at når fjorden "legg seg" forsvinn skodda - og fjorden legg seg eller frys til ein gang ut i januar.......
Men etter ein kaffikopp og litt nettsurfing oppdaga eg plutselig at sola kom igjennom og skein så fint på trea på andre sida av vegen.

Hausten er tid for elg...den som vi hadde tinga på vart skoten på første jaktdag i lillehammertraktene og i dag var den klar for henting.

For vår del vil vi ha mykje kjøtdeig som vi frys ned i passe porsjonspakkar - det er liksom så greit å ta ut av frysen då - ein pose pr. person. Men det er litt av ein jobb å pakke ned....2 fulle slike kartongar med reint kverna elgkjøt - vi er vel bra heldige

I tillegg til mange ferdig surra steiker blir det ein del stykker med biffkjøt og. Indre og ytrefilet, rundbiff, mørbrad og flatbiff blir delt i passe stykker med tanke på grillsessong.

Det er utruleg vakkert i hagen her no. Alle dei store bjørkene som står som ei ramme rundt terassen her er fulle av knall gule blad og i sola blir dette som gull.

Etter å ha kava ei stund med pakking og frysing av kjøt var det fint at Ingun ba meg med på trimtur før eg kasta meg over middagen. Ruta vi valgde i dag går nordaust oppover lia før den svingar seg sørover eit stykke slik at vi etter ca. 5 km er tilbake til utgangspunktet. Vel oppe alle bakkane blir utsikta litt bedre, pusten litt rolegare og fotomotiva dukkar opp.

Sola står lavt i vest så det er ikkje noko problem å ta bilete av oss båe to på ein gang.

Det gule treet er så vakkert ilag med dei grøne bartrea - om nokre dagar er kanskje alt dette gule og raude borte og vi kan få snø kvar dag som helst. Dette er verkeleg fint turterreng både sommar og vinter.

Det er nok ikkje siste gang eg spurtar denne runda eller ei av dei andre turløypene som er så fine å gå...men no er eg trøtt og mett etter at kjæresten har laga ein god middag med elgkjøtdeig og spagetti - så får vi håpe at naturen viser seg like vakker ein annan dag.

jannetove

2 kommentarer:

  1. Ååå,kor kjekt å lese:-)
    Nydelege bilde frå hadelandet ditt:-) Ser du har flott turterreng rundt nåva du også.
    Håpar rsten av hausten blir like flott som no:-)

    SvarSlett
  2. Skjønne høstbilder! Flott turterreng du har. Syns du er heldig som får middagen servert etter ein lang fin tur.

    Hadde også mye godt elgkjøtt, og et rådyr i frysa før.Men nå har de solgt vekk jaktretten i 10 år. Så må klare oss uten. Å ikkje vil disse jegerne ha folk i skogen heller, må gå tur andre steder. Fikk besøk av "Herr elghund" på søndag, den synst vist det var kjedeligt der inne i skogen, mer å jakte på hos oss, heldigvis gikk det bra med både sauer og pus, men skremt blei de jo.

    Koselig at du vil følge meg. Er spent på å se ditt håndarbeid.

    Ha ein fin høstdag! Klem ;0)

    SvarSlett