Våren min

I dag var det fyrste dagen eg verkeleg fekk kjenne på våren

morgonen kom med tjukkskodde og regn

og i løpet av natta har mesteparten av snøen på plenen regna bort.

Men utpå ettermiddagen var sola framme og kjærasten brende ei lita bråte

i blomsterbeddet - det vart slutten på fugleneket frå jul.

Spede solstrålar i tidleg morgon

Kitlar det sovande kinn

Å vakne av leikande solskin

Er våren i mitt sinn

Koret av leikne fuglar

Fyller mitt øyra – musikk

Knoppar frå dauden gror

Det er vårens  mystikk

Brisen har fått eit varmare drag

Bekken øser seg opp

Det luktar av våronn og mold

Våren fyller heile min kropp

Lukta av bråte gjev vissheit i sinn

Snøen og kulda var her i går

No spirar og gror det

Så kom han våren også i år
 jannetove-11

Det er godt at ventetida er over