Vinterhav

Vinterhav

torsdag 22. april 2010

Gode kvardagar....

Eg tek meg sjølv ofte i å gå å drøyme meg bort -bort frå kvardagen til ein plass der eg kan oppleve noko spesiellt eller flott utenom det vanlege. Ofte tenkjer eg at tenk om eg vann i lotto - tenk alt eg kunne gjere då. Eg kunne reise for å oppleve både det eine og det andre - for ikkje å snakke om alt eg kunne kjøpe - om eg var rik på penger.
I dagens mediesamfunn får vi inn mange nyhende frå både nær og fjærn. Vi høyrer om eit fly som har falle ned - eit tog som har kollidert - ei bilulykke. Så er det alle naturkatastrofene som rammar rundt om i verda - vulkanutbrot - jordskjelv - brannar og ekstremver. For ikkje å snakke om alle stadar i verda der krig og naud herjar. Alt dette er så langt unna og det anngår ikkje meg - liksom - så eg kan berre leve vidare og sulle med mitt og drøyme meg bort.
Men plutselig midt opp i dette mediehavet dukkar det opp hendelsar som også rører meg. Eg høyrer om folk som har vorte sjuke - ramma av alvorlege sjukdomar. Eg høyrer om folk som har mista sine kjære både av sjukdom og bråe hendingar. Rundt om i det ganske land sit det alltid ein kvan og gret og sørjer over tapt helse eller liv - medan eg surrar vidare med mitt liv og mine draumar.
Vi kan ikkje ta inn over oss all verdens naud og sorg - då ville vi gå under som menneske. Vi kjem alle - før eller seinare opp i ein situasjon der det er vi som gret og sørgjer, difor er det så viktig å leve og vere glad medan ein har gode dagar.
Når vi kjem i slike situasjoner endrar draumane våre karakter. Då tek vi oss sjølve i å drøyme om ein dag med heilt vanlege syslar som å vaske hus - lage mat - vaske klede og klippe plen.
I dag har eg ein slik dag - ein heilt vanleg kvardag. Eg har vaska doen og badet - støvsuga litt og skrifta på sengklede. Eg er også så heldig at eg har ei vaskemaskin som vaska dei skitne kleda i ein fei og ute på snora blafrar dei i vårsola og vinden gjer sitt til at dei nok er tørre på ei lita stund. I tillegg fekk eg overskudd til å lage lettvinte ostebollar som smakar fortreffeleg - og seinare i dag skal eg lage ein heilt vanleg kvardagsmiddag.
Eg takkar for at livet mitt er fullt av slike heilt vanlege kvardagar......

Eg er kanskje ikkje så rik på pengar - men du verden kor rik eg er.....


fredag 16. april 2010

En fin fredag

Av alle dager i veka er det fredagen eg likar best. Sidan dagane mine no er forholdsvis rolege og eg ikkje går i fast arbeid, skulle ein tru at alle dagar var like. Men det er dei ikkje - fredagen er og blir den dagen som er best. I dag vakna eg tidleg til ein knall blå himmel og med den kom gleda og humøret sigande innover meg. Eg er verkeleg heldig som kan nyte ein slik fin dag i fred og ro.

Det første eg gjorde var å rydde litt i heimen og sette på ei vaskemaskin - det var så greit å fare over med støvfilla sidan kjærasten hadde vaska alle golva i går medan eg var på strikke-kafè med kjekke damer frå Hadeland. Når kjærasten kom innom i pausa si delte vi ein lang og god frokost - det er den beste stunda på dagen.

Så var det tid for å henge opp kleda ute i frisk luft (eg ser ikkje så mykje aske her så det går vel bra) - dei tørkar på rekordtid no når sola skin og det er ein fin bris i lufta. Badet har endeleg fått ein skikkeleg omgang med "Cillit Bang" og dei blå flisene på golvet skin nyvaska og blanke i kapp med sola.

Å vaske hus er ikkje det beste for min muskelvonde kropp - men eg tåler litt smerte og verk når eg kan nyte ein varm dusj i reine omgjevnader. Og så veit eg at eg kan bruke resten av dagen til det eg vil.

Eg trur eg skal kose meg ei lita stund i godstolen med strikketøyet - Ambulansesokkane som Sondre skal få. Sidan kan eg kanskje begynne på ei av dei nye bøkene eg kjøpte meg i går eller ta meg ein liten spasertur å for å sjå om eg kan finne nokre nyutkome Blåveis i vegkanten.

Så når det lid ut på ettermiddagen kjem gokaren heim og vi kan kose oss med ein god middag og kanskje eit kakestykke i kvelds-sola. Og kven veit - kanskje eg får meg litt raudt i glaset til gullrekka på tv`n i kveld.

Framføre oss har vi ei lang helg, der vi kan glede oss over kvarandre, våren, gode venners lag og forhåpentlegvis ein fin tur ut i naturen ein eller annan stad på vakre Hadeland.

God helg til alle og klem frå Janne Tove

onsdag 14. april 2010

Det vårast....


endelig...etter ein lang og hard vinter er våren her. Vi kan sette oss ut i sola og kjenne kor den varmar oss i ansiktet og er vi heldige sprett det fram ei fregne eller to.

Syns det var stor stas då vi forleden dag kunne leite fram dei nyinnkjøpte plenrivene og sette igang med å rake bort gammalt lau og restar etter vinteren.





Det er alltid så godt når snøen er borte og bakken er blitt så tørr at ein kan ta til med våronna. Alt blir så mykje lettare og lysare - ja så lett og lyst at eg rett og slett fekk lyst til å prøve sykkelen. Det vart ein flott tur langs Jarenvatnet og også tid til ein liten stopp for å forevige våren.

Vel heime vart eg så inspirert av våren at eg måtte få planta meg eit par krukker på trappa. Det er ikkje så mange planter ein kan ta sjangsen på å sette ut enno - men vårlyng og løker var vist trygt nok iflg. dei på hagesenteret.

Resten av ettermiddagen har gått med til å lage ei langpanne med sjokoladekake - så når eg har fått pynta den og kjæresten har kome heim blir det nok ei lita koseleg stund i sola før den går ned over veståsen....