Skomaker - bli ved din lest......

Eg er ingen stor helt på kjøkkenet

og ikkje den som bevegar meg 

så langt bort frå det kjente 

og det som eg etter mange års trening har blitt litt god på.

Men her ein dag fekk eg

ei kake - ei "godbedringkake"

av ei god veninne og nabo - Ingun

Den eplekaka var 

den beste eplekaka eg nokonsinne

har smakt og heldige meg fekk oppskrifta.

Men tru no ikkje at eg kunne få den til slik

som Ingun hadde klart....

.....mi vart altfor høg

altfor tørr

ikkje lav, fyldig og litt marengsaktig seig 

som modellen......

Så medan eg var i gang og ånda hadde kome

over meg leita eg opp innlegget til

Fru Tunheim

som beskreiv nydlege urterullar

med cottage chese og urter....

...full av energi sett eg i gang

men heller ikkje desse likna på orginalen.....

Men gode vart dei - 

og kaka kan nok sikkert etast varm med litt is til:-))

Bedre lykke neste gang.....Ingen grunn til surving her

for kjæresten har bede meg ut på middag i dag

Så folkens....eg lir inga nød

God søndag

Lita tue velter stort lass.....

Når ein er høgt oppe 

er fallhøgda så stor
I går ramla eg utfor...
....og det føltest høgt.

Ingen ting er endra
kreften som er operert bort er like stor eller liten
lymfene er like friske
prognosane like gode...

...det er berre behandlingsopplegget
som har fått ein annan veg.
Faktisk ein meir "normal" veg

I staden for å la motoren gå på tomgang
er det bestemt av vi skal gi full gass.
Først cellegift
så stråling
så hormontabletter i 5 år

Alt dette fordi ein verdi
av ei enkelt prøve
var så vidt utanfor den firkanta ramma
for tomgang.

Ja eg ramla utfor
eg kjende eg datt - susa avgarde
utfor fjellet....
...men til all lukke så hadde eg fått på
fallskjermen

Den gode favnen til kjæresten
som hjelpte meg å sjå det positive
- i at eg får ekstra god etterbehandlig
- som kunne fortelle meg at vi skal takle dette ilag

Som heldt rundt meg
og gav meg varme når eg fraus
som fungerte som min fallskjerm då eg rasa utfor.

Så blir tida med etterbehandling
litt lenger enn eg først trudde
Då får eg tid til å lese gode kokebøker
Då får eg tid til nye strikkeprosjekt
Då får eg tid til å rusle ein tur midt på dagen
Då får eg tid til å bruke tida på meg sjølv
tillate meg å vere litt sjølvopptatt
Då får eg kjenne på at livet er her og no
ikkje i går - ikkje i morgon - berre no.

Ei spennande kokebok

første resultat vart ikkje slik eg trudde - 

men eg har tid til å prøve fleire ganger eg

Gian`s genser

endeleg ferdig

slik at guten frå andre sida av jorda

har litt ekte norsk ull å ha på til vinteren

..og den vart slik eg hadde tenkt

og i går kveld når Gian prøvde den 

ja så vart han akkurat så fin som 

eg tenkte han ville bli.

Positive tankar og klemmar frå jannetove

Ein søndag eg gjorde noko nytt.....

Ein regntung Søndag på Hadeland

Vi kosa oss med sein og lang frukost

som kjæresten serverte

Deretter tok vi oss ein tur

til det tidlegare Meieriet i Lunner

på Amcar utstilling

Ikkje nødvendigvis det eg 

er mest oppteken av, 

men eg må sei eg vart litt imponert

over dette "gliset" her

Blank og fin i lakken

det blenkte i crom

og cabrioleen framstod

som ei retteleg herrevogn

Inne i det nedlagde Meieriet

var det ei imponerande utstilling

av ting frå Amerika.

Ikkje dette heller noko som 

eg er så overvettes interessert i.

Men når eg fekk høyre at 

dette truleg er den største 

private samlinga av 

Amerikanse effekter - 

ja så var det absolutt verdt eit besøk

Herremannen som eig 

denne imponerande samlinga

er vistnok ein kjent person i miljøet

som fyller opp ein stor bil

og reiser sørnorge rundt og sel

effektane

Av og til er det givande å kikke litt

på kva andre held på med og intersserer seg for...

..og jammen fant eg ein liten fin ting

som fall i smak...

...den skal eg forevige og skrive litt om ein annan gang.

Som Sunnmøring er eg vel vandt til 

våte sommrar og såleis har eg vel 

med ein ekstra ballast for å tåle den våte sommaren

vi har hatt her i år....

...men du verden...

...eg sjønar potetbonden som fortvilar over

vatnet....

...kunne vel like gjerne dyrka ris istaden...

Så får vi håpe at desse potetene etter

kvart kan takast opp og bli 

menneskeføde.

Tvi tvi for tørrare veir 

og ein fin haust.

jannetove

Varm te og varme tankar

I morgon er hausten her

September med sine lune mørke kveldar

September - den første månaden på ei lang ferd mot vår

Då er det godt å ha noko å varme seg på

Kveldste i fine koppar

Koppar med visdomsord på

Koppar med kunst på

Koppar med kloke ord i synsranda

Ei gåve frå ei god veninne

Ei gåve som varma hjarte og gjorde meg 

ekstra glad - sidan Kristin påstod at koppane passa

akkurat til MEG.

Takk for gåva Kristin og takk for at 

nettopp du er den du er:-))

Ein haustklem frå jannetove som 

kosar seg med varm kveldste på Hadelandet sitt.

Tradisjon på ein søndag

Søndag - roleg og god

lat morgon med kaffi og nettsurfing

Men så snik arbeidslysta seg plutseleg på

og eg kjem på at eg har fersk høgrygg, rosenkål og brokkoli liggande - 

og så hugsar eg sosekjøtet som mor mi ofte laga

på søndagen

På kjøkenet brunar eg sausbruning -

steikjer skorpe på kjøtet og 

høyrer på søndagspreika på radio

Kokar opp sausen
smakar til og legg
det bruna kjøtet i -
- så er det berre å la varmen gjere jobben

Var på Damene på gården i går og fekk

kjøpt nydleg kjøttkrydder

og heimelaga lefser

Blandar sukker og smør og
får smurt dei mjuke lefsene
slik eg trur at det skal gjerast
- og ein liten dæsj kanel
gjer nok susen

Men vi kan ikkje leve berre

på søtsaker og kjøt

Å blande ihop ei knekkbrøddeig

er gjort på ein to tre - 

og at nokre er litt brende er 

berre fint

Så er søndagsmiddagen

i boks

Kaffikosen klar

og kjæresten min har frukostmat

i fleire dagar

Eg kan sette meg ned

vente på at kjæresten kjem

heim frå fallskjermsamling

og glede med over

at eg fekk fatt i denne fine lykta

på garasjesalg hos Vibeke

Lar desse to lysa som speglar

seg i spegelen bak i lykta

vere eit bidrag

til å tenne lys for 

alle som har det vondt rundt om

...så skal eg berre kose meg

resten av denne fine søndagen

Lette valg

Kvar dag når eg vaknar har eg to valg

-  eg kan fortsette å sove bort dagen
-  eller eg kan stå opp.

Står eg opp har eg framleis to valg.
-  eg kan sette meg ned og sture og sutre over livets motgang
-  eller eg kan gå ut med ope sinn og kjenne på korleis dagen er.

Når eg går ut og kjenner på korleis dagen er har eg framleis to valg.
-  eg kan tenkje at dagen kan bli dårlig
-  eller eg kan bestemme meg for at dagen skal bli fin.

Bestemmer eg meg for at dagen skal bli fin har eg mange valg.
-  og alle desse valga er det opp til meg sjølv å styre.
-  eg kan sjølv bestemme meg for at dagane mine skal levast og bli av dei gode.

 jannetove-09

I kveld har eg tatt eit sunt val - 

kesam 1% feitt med krydder og gulrot, sukkererter og stangselleri

- kjempegodt og kjempesunt:-))

 

Ha ein lett og lystig kveld

jannetove

Godtebombe for godterompe

Før i tida var det litt meir vanleg med kake til kaffien på søndagar - det var vel stort sett berre på søndagar det var kake også.....Eg hugsar godt søndagane før i gamle dagar - late dagar med god familiefrukost, snø og sol ute og idrett på TVèn. Mor mi laga verdens beste søndagsmiddag som vart servert til rett tid tidleg på ettermiddagen og så var det tid for søndagskaffi litt seinare på ettermiddagen - og då alltid med ei kake eller anna kaffimat.

For ei tid tilbake vart det so at eg og gemalen prata litt om gamle dagar og heime hos han var det ikkje så ulikt oss på søndagar. Dei hadde imidlertid ein litt anna tradisjon når det gjaldt kaffimaten. På store sports-søndagar var det tradisjon med bollar med krem inni og melis på toppen - eller fastlavnsbollar som eg alltid har kalla det.

Sjølvom det ikkje er fastlavn i dag så er det jo morsdag - så vi kan vel unne oss litt ekstra....i dag og.....


Sette ei bolledeig i føremiddag og når dei var ferdige, piska eg krem og laga melis og pynta bollane slik mor Otta Haugsbakken gjorde. Så har vi kosa oss med tradisjonsmat til hopprennet eg og kjærasten:-)

janntove

Ein ting er iallefall sikkert - vi to lid inga nød:-)

Våren på besøk i februar

Dei siste dagane har eg vore litt i tvil når eg har kika på kallendaren - her har vi nemleg hatt rundt 5°C og eit strålande veir. Var ein tur til vassenden i dag og merka at eg godt kunne gått uten strikkejakka. Ein forsmak på våren har det vore og du verden kor godt det er.

Islykta som eg fraus til jul har fått stå i fred heilt til no....er ikkje mykje att av den der den står på trappa.

Sola står ikkje så veldig høgt enno, men ho varmar ganske godt. Og vakkert blir det når ho skin inn i kjøkenvindauga - det gjer ikkje så mykje at glasruta ikkje er heilt rein og at støvet viser ekstra godt i slikt veir. Det er berre å gå seg ein tur ut på trappa å berre nyte.

Men når sola går ned er det ikkje lenger tvil om at det er vinter enno. Då er det fint å kunne kveikje levande lys, fyre i omnen og lage eit godt og sundt middagsmåltid til oss to.

Har som oftast ein del grønsaker liggande og i dag vart dei kutta opp til "grabs". Squasj, gulrot, sjampinjong, vårlauk, paprika og annanas vart fresa i olje.

Brukar å ha i litt kikomansaus og basilikum på før eg heller på ein skvett fløyte og litt creme fraiche (går godt med rømme, melk eller kremost også). Så lar eg fløyte koke litt inn slik at det blir ein "graut" - eller "grabs" som ungane kalla dette når dei var små.


Brokkoli er full av antioksidanter og supergodt....må berre passe på å ikkje overkoke den.



Basmatiris er den varianten som vert brukt mest her i huset - men personleg er eg mest glad i villris og fullkornris.


Alt dette gode tilbehøyret passar ypparleg til heilsteikt kalkunfile. Eg brukar å brune den på panna før eg krydrar godt og set den i omnen på 200°C i ca. ein time. Når den så får kvile ei stund blir den saftig og god.


Ein fin fin start på ei februarhelg her på Hadeland - God helg alle saman.

jannetove

Mammalykka

Den beste jenta i verda - Helene - er på besøk - og vi har kosa oss med ein mandag utenom det vanlege. Det er fint med sein frukost og kafebesøk på Gjøvik - men det finaste er å bruke tid på kjøkkenet ilag. Først baka vi Kvæfjordkake - ho mor som læremeister og jenta som ivrig elev. Så var det tid for jenta å lage middag til oss. Paprika vart kutta med nette hender...

.....tomat og krydder skulle kokast godt inn.....

.....masse krydder - sterke krydder....

.....sopp er nydleg i gryter....

....fine fine jenta klar for å reinske kylling....

......masse god steikt kylling....

...alt saman i ei gryte med masse godt i.....

Lykka er å vere mamma og ha storejenta si på besøk og få lov å gå til dekka bord. Og så er det så fint å sjå at ho kosar seg på kjøkkenet og lagar maten frå grunnen av - og tenkje at kanskje det er meg ho har lært det av:-))

jannetove

Hadelandsprosjekt

Syns Hadelandsvottane er kjempefine og kjempeartige å strikke - dei er passe krevjande slik at det ikkje blir kjedleg og enkle nok til at eg får det til. Når det også er gamal handverkstradisjon frå området her - ja då er det klart at kjærasten må få seg eit par.

Til gebursdagen i september fekk han seg ein Vancuver OL gensar i desse fargane - og berre så det er heilt klart - det var IKKJE eg som strikka den. Det torde eg ikkje ta sjangsen på - og ikkje hadde eg kome i mål heller...



Tenkte derfor det kunne vere fint med vottar i same fargane - og så fekk eg det føre meg at ei hue strikka i same mønster måtte vel vere flott. Dermed har eg "designa" mi eiga Hadelandslue og eg er igrunnen ganske så godt fornøgd med den.


Så no håpar eg på skikkeleg fint veir i morgon - slik at eg kan ta med den fine karen ut på ein liten spasertur - i matsjande genser, lue og vottar. Og om nokre veker får eg og min Vancuver genser (flott at det finst megaflinke strikkedamer her rundt om...) - og då kan eg og ta på meg mine vottar og lue som har vore ferdige ei stund.

Etter iherdig strikking i dag var det tid for heimelaga pizza til laurdagskos -



- og takka vere tacokrydder, vårlauk og pepperonipølse i tillegg til sjampinjong, elgkjøtdeig og annanas vart det nokre skikkeleg smakfulle bitar.

jannetove

Fredagskos

Endeleg fredag - det går nærast eit sus over landet - endeleg fredag....Rundt om i dei norske heimane landet rundt er det helgestemning og mange har fast "fredagsmat" som heile familien gled seg til heile veka. Ser at nokre brukar fredagstaco - andre brukar heimelaga pizza til gullrekka - atter andre gjer det enkelt og får bringa maten denne dagen. Uansett kva ein vel så er det alltid noko ekstra fredfullt og godt over fredagen. Helga ligg framføre oss og vi har eit "hav" av tid før det igjenn vert mandag og kvardagen krev oss.

For eigen del har eg ikkje lenger nokon fast fredagskos - ikkje ein gang Kim`s som reklama så ivrig vil påprakke meg. Nei her i huset blir det som oftast at vi i felleskap finn eit eller anna i frysen rett etter frukost som får ligge å tine seg til herskapet finn det for godt å bli middagssvoltne.

I dag vart det kyllingfilet med steikte grønsaker - ris og sursøt saus til. Eigentleg hadde eg få tankar om at eg skulle lage eit "fint" helgemåltid i dag - men etter kvart som arbeidet med maten kom i gang - kom også inspirasjonen.

Første steg i prosessen var å krydre kjøtstykka godt med salt og peppar og brune dei raskt på steikepanna.
Kjøtet vart så hatt i ildfast form og ferdigsteikt i steikomnen. Dei steikte grønsakene denne gongen bestod av ei gulrot skiva i tynne skiver med ostehøvel, ein sjalottlauk i bitar, stangselleri og vårløk kutta i bitar, ein boks hermetiske sjampinjongar, ein halv squash og ein liten boks annanas.
Alt dette vart surra i steikepanna med god olivenolje og masse basilikum til alt var møyrt. Sidan eg ikkje er oppvaksen med kinamat - må eg rett og slett innrømme at sursøt saus kan eg rett og slett ikkje lage - så eg brukar å ha nokre kjøpesaus ståande i skapet - sann i tilfelle....
Men eg må berre tilføye at no kan eg det....altså lage sursøt saus....det er jo kjempeenkelt....takka vere nettstader som matprat.no . Så no må eg berre få kjøpt inn det eg treng så blir det nok ei løysing på det også:-))

God mat fortener god drikke og heldige meg......vinhylla var ikkje heilt tom. Fant ei flaske som vi har fått i gåve av ein kamerat - ei flaske som berre har venta på eit godt måltid. Vinen saman med ein karaffel isvatn med lime og maten vart eit rasande godt måltid.

Og som vanleg laga eg akkurat ein porsjon for mykje...så restane blir ei finfin gryte til å varme opp til føremiddagsmat i morgon. Men før den tid......har eg tenkt å kose meg med resten av vinflaska og fredagskvelden ilag med kjærasten min - forøvrig verdens beste:-))

God helg alle der ute:-))

jannetove

Brød på ein sunn måte

Har nemnt det før og eg står ved det....eg har ingen nyårsløfter. Men like fullt kjenner eg på kroppen at den har behov for litt anna næring enn all den karbohydratmaten som vi gjerne omgir oss med. Kom over ein blogg her om dagen - ei ung jente hadde laga eit brød uten kveitemjøl - og dette brødet såg skikkeleg godt ut....

Brødet blir laga av egg, creme fraiche, olje, solsikkekjerner, sesamfrø, linfrø, kruskakli og bakepulver. Kjempe enkelt - berre å blande i hop og legge i smurt form. Og har du slike fin fine silikonformer som eg er så heldig å ha fått fatt i - ja så treng du ikkje en gang å smørje forma.

Desse brøda smaka fortreffeleg og er absolutt å anbefale.

Har vore ein tur til ein naturmedisinar her i dag - fått meg litt masasje på "vondtane" mine. Det gjer så godt å belønne seg sjølv litt innimellom - humøret blir betre og ein orkar straks litt meir. Naturmedisinmannen min var av den oppfatning at det kanskje kunne vere lurt å slappe av etter behandlinga og drikke mykje vatn.

Vatn er vel noko av det viktigaste for livet på jorda og heilt sikkert undervurdert som næringsmiddel - noko vi her i Norge tek som ein sjølsagt del av livet.

Eg må innrømme at eg er litt slurvete med vassdrikkinga mi - tyr gjerne til kaffi eller brus istaden - men når eg fyller ein fin karaffel med reint, kaldt og friskt vatn og har i nokre skiver lime - ja så blir det faktisk både delikat og godt.

janne tove

Ein anfall av sunnheit....

No har det vore ei periode med litt ruskete veir og ein del snøfall - så i dag var det fantastisk å vakne til flott vinterveir med klar himmel og - 6°C i morgontimane. Bestemte meg for å gå runda over Framstadhøgda - ei runde på ca. 5 km med ganske bratt stigning i byrjinga og slakke nedoverbakkar på slutten.

Tok med solbriller - sola er så lav no i midten av januar at det kan vere godt å ha noko som skuggar litt for augene når ein går.....men det var ikkje så behageleg med briller. Varmen frå heite kjakar og pusting og pesing i bakkane gjorde at brillene dogga så eg mest ikkje såg nokon ting - men eg fekk no med meg naturen rundt meg allikavel.

Sjå berre her....store spor i snøen som hadde kryssa gjerdet i motbakke....kan antageleg ikkje vere eit lite dyr dette....ein elg kanskje - eg har no ikkje peiling, men eg vel no å tru det eg....

Var ikkje berre eg som var ute denne fine føremiddagen - desse tre ser ut for å fått eit eller anna godt å ete i snøen - opptatt som dei var med nasen i bakken. Fine kulisser å innta lunchen i - med Rånåsen i bakgrunnen.

Vel heime etter ein frisk og god tur, kjende eg på at det kunne vere godt med litt å ete. Fant ut at eg skulle lage meg litt linsepurè - kjempegod erstatning for poteter og sunt og godt. Starta med 3 dl raude linser og 6 dl vatn som skal koke saman i ca. 10 minutt. For å få litt meir smak på maten leita eg fram litt sjalottlauk og selleristenger og hakka i......

.....med litt salt og krydder (basilikum, peppar og kvitløkspulver) vart det ein lekker purè som tilbehør til ein halv boks tunfisk i vatn. Ein rask og sunn lunch full av protein og nesten ikkje karbohydrat.


Det er berre midten av januar enda og lenge lenge til våren - men ein kan ha lov å bli aldri så lite vårkåt når ein får sola inn gjennom stoveglaset og den skin så fint over tulipanbuketten frå helga....

Håpar vi får mange mange slike fine dagar frametter....




Janne Tove:-))