Ein fin dag med finaste venen

Å for ein nydelig morgon - 

- det er så godt å våkne til ein slik soloppgang og vite at dagen ligg 

blank og fin framfor ein.

Så fint å nyte min varme kaffi og sjå at 

"Nordens Toscana" 

 vaknar til liv

- sjå dei første strålane av haustsola

farge siluetten av Systerkyrkjene

- då kjenner eg at eg lever og at eg lever godt

Og dagen i dag skulle brukast godt -

eg hadde avtale med Rosalis -

mi nye veninne frå Den Domunikanske Republikk

Ei vakker, snill og sprudlande dame

- som har tatt steget ut i den store verda 

saman med son sin og blitt Frua til vår gode ven - Dag

Eg har gleda av å bli kjent med ho

og vise ho litt rundt i "min" skog

Skal tru om det er kaffi å få her

-bank bank - ingen heime

To blide damer 

på tur i haustskogen.

Takk for turen kjære du:-))

jannetove

Skomaker - bli ved din lest......

Eg er ingen stor helt på kjøkkenet

og ikkje den som bevegar meg 

så langt bort frå det kjente 

og det som eg etter mange års trening har blitt litt god på.

Men her ein dag fekk eg

ei kake - ei "godbedringkake"

av ei god veninne og nabo - Ingun

Den eplekaka var 

den beste eplekaka eg nokonsinne

har smakt og heldige meg fekk oppskrifta.

Men tru no ikkje at eg kunne få den til slik

som Ingun hadde klart....

.....mi vart altfor høg

altfor tørr

ikkje lav, fyldig og litt marengsaktig seig 

som modellen......

Så medan eg var i gang og ånda hadde kome

over meg leita eg opp innlegget til

Fru Tunheim

som beskreiv nydlege urterullar

med cottage chese og urter....

...full av energi sett eg i gang

men heller ikkje desse likna på orginalen.....

Men gode vart dei - 

og kaka kan nok sikkert etast varm med litt is til:-))

Bedre lykke neste gang.....Ingen grunn til surving her

for kjæresten har bede meg ut på middag i dag

Så folkens....eg lir inga nød

God søndag

Styrke

Eg har mange gangar stått på sidelinja og sett

folk oppleve vonde ting og sagt

at dersom det var eg som hadde opplevd "det" eller "det"

så ville eg nok ikkje klare å takle det

Eg har mange gangar opplevd "det" og "det" 

og eg har takla det kvar gang-

-på min måte

Når vi menneske opplever vonde og vanskelege ting

får vi ofte ein styrke til å kome gjennom det som vi ikkje var klar over at vi hadde

Dette veit eg avdi eg sjølv 

har blitt så overraska over at eg har klart meg så bra gjennom

vanskelege stunder

og at eg har kome styrka og tryggare ut i andre enden

No er eg inne i ei slik tid

-eg fekk ei kreftdiagnose

Så har eg altså atter ein gang opplevd "det" som

eg har trudd eg ikkje ville takle......

Då er det så inderleg godt å kjenne på 

at naturen atter ein gang har gjort jobben sin

Eg kjenner at den styrken eg treng for å kome igjennom dette

har blitt tildelt meg 

-i akkurat passe mengd og til akkurat rett tid

Eg veit at eg vil vere i ulage i dagane etter ein kur

Eg veit at eg vil vere i ulage i dagane før ein kontroll

Eg veit at det vil vere dagar eller stunder 

der eg vil ha føling med kjellartrappa....

.....men eg veit også at loftstrappa står like ved......

 ona fyr i solnedgang -09

Her er tankane mine 

skrive ned i eit dikt 

sist eg var i ei vanskeleg og vond tid...

...alltid like aktuelle.....

VEIEN VIDERE

Jeg står her alene, forvirret og rar
Lurer på hvilken veg livet tar
En sorg i hjertet så hul og sår
Bare Gud vet hvilken veg det går

Jeg står her alene, forvirret og rar
Og vet at livet gir og tar
Jeg vakler et skritt, stopper og ser
Gi meg glede Herre, jeg ber

Jeg står her alene, forvirret og rar
Kjenner jeg kan smile av det som var
Jeg fylles av glede og livs - energi
Jeg har da så mye, mye å gi

Jeg står her alene, stolt og glad
Jeg ble hørt da jeg bad
Jeg kjenner at gleden vil komme en dag
Og på nytt gi meg styrke og velbehag

jannetove -09

Så vil eg takke alle dokke som har vore innom meg 

og lagt att gode og oppmuntrande ord

- alle de er med på å føre meg nærare loftstrappa

Velkomen også til nye fylgjarar

God helg 

Jannetoveklem

Giftangrep og draumeland

Ei veke har gått sidan giftangrepet

og eg kjenner at kroppen min reagerer på kuren

Ikkje slik at det er "stakkars meg" og "huff og huff" -

- Nei eg kan godt leve med det, og enn så lenge tenkjer eg vel mest at 

det er litt spennande å fylgje med på korleis eg og kroppen min taklar dette angrepet.

Innimellom føler eg nok at eg er litt fanga i min eigen kropp - 

stengt inne bak eit gjerde - eit gjerde som det vil vere muleg å kome gjennom til slutt, 

men som eg må bruke tid på å kome over

Håret er livlaust og daudt

det dukkar opp kviser som på ein tenåring

Huda blir raud og varm innimellom

og småkvalmen innhentar meg om eg ikkje passar på å ete lite og ofte

Dei første dagane herja smertene kroppen-

-det var akkurat som om Hr Fibro protesterte heftig 

der han tok sats og herja heile kroppen slik han aldri har herja før
Og så heitetoktene.....som eg hadde fått slik god hjelp for

No er dei tilbake og set fyr på heile meg innimellom

Men det er natta som er mest underleg og spennande

der eg brått vekslar mellom tung søvn og lys våk-

-nattlege vandreturar for naturen sin del

og ei fantastisk draumeverd

Det er spennande å bevege seg i så heftig draumeland

og samtidig huske draumane klart idet eg brått er våken

Og så er det fint å ligge lys våken ei stund

berre å lytte til natta og den tunge rolege kjærestepusten-

-fundere over livet

-tenkje dei gode tankane

-tenkje dei vonde tankane

-få satt ting og tankar på plass

før eg slumrar av og på ny tek ei stund i eventyrland

Akkurat no kjenner eg at det er godt å bruke

tid på å gjere berre det eg vil

-berre hente krefter

-og å lære meg den dansen eg dansar no:-))

jannetove

Ein dans på Roser

Å danse på Roser

Mjukt over raude kronblad

Forsiktig over grøne blad 

og lange stenglar

Men pass på

Ei Rose har også torner

Som ein må danse på

Å danse på ei Rose

Er som å danse i livet

Sorglaust og fint

Men også vondt og vanskeleg

Der gleda og sorgen

Går hand i hand

Livet er ein dans på Roser

jannetove - oktober 11

Innehuer

I natt kom den føste snøen 

her hos oss. 

Det var berre så vidt det var eit lite

melisdryss

men like fullt den første snøen.

Etter kvart vil det nok bli vesentlig meir

og mykje kaldare enn dei 3 blå vi hadde i dag tidleg.

Og det vil melde seg eit behov for 

varme gode klede

ikkje minst hovudplagg

til eit hovud som mest truleg 

er aldeles hårlaust.

Kjenner at eg er litt oppøst 

over at eg skal misse håret...

...blir ein heilt ny opplevelse å 

sjå seg sjølv utan hår...

Men eg ser også at eg er 

heldig som veit at eg vil få att håret

når kuren er over....

....det er nemleg ikkje alle som er like heldige....

Eg likar å vere budd når ting skjer

så parykken er bestillt

avtale med frisør for å rake bort alt når hårdottane 

startar falle av er gjort

Og i går var eg ei runde

og såg meg etter nokre "innehuer"

Eg enda opp med nokre "halsar" frå Devold ala "Bøff",

som eg kan forme litt slik det passar meg den enkelte dag.

Men rundt om sit det kanskje nokon som 

veit om nokon

som lagar

artige innehuer

for kvinnfolk uten hår....

....og fekk eg eit tips så ville det vere spennande.

Men skulle det blir så kaldt som på bildet

under her....så må ein nok fram med skinnlua

og dunjakke

Ved Randsfjorden vinter 2010

Grip dagen du og slik som eg har valgt å gjere...

klem

Det første steget

Det er svarte natta ute

det bles og regnar

skikkeleg vestlandsveir

- eg er våken

-og nyt roa i eit nattstille hus

Spenninga over den første kuren

har lagt seg

Det første halve døgnet

er over

Timar med spenning

venting

informasjon

påfyll av medisiner

mot kvalme

mot ansgt

mot smerter

bestilling av parykk....

....ja for det var som eg trudde...

...håret kjem til å falle

Timar heime

med ein kjærest som 

lagar middag

som lett bekymra kastar blikket på meg

for å sjekke om eg har det bra

Som fylde meg inn i natta

med sine sterke armar rundt meg

Søvnen har vore bra

til tross for sveittebad

og halvvåken forvirring

Men no måtte eg opp

naturen krevde sitt

og kroppen ville ha fleire "drops"

Tankane er gode her eg sit

og nyt blesten og regnet

og veit at det er lite eller inkje som krev meg

desse dagane

At håret skal falle

tenkjer eg er litt spennande

litt rart

korleis vil eg sjå ut

utan hår

Det er godt muleg å finne noko positivt med det -

- eg slepp kostnader til dyr shampoo

-eg kan berre ta på ei lue og gå ut - uten å tenke

på morgonsveis

på luesveis

I grunnen er det mange positive ting 

å finne

om ein bestemmer seg for at det er slik ein vil tenkje.....

.....og dessutan.....

Dropsa virkar - så no er det natta igjenn:-))

jannetove

Tru på ei framtid

I dag er det Søndag

det er Sol

og det er Siste dagen

før eg skal starte på Cellegift

Eg føler at eg er litt i Skuggelandet

akkurat no

Men når eg lyfter blikket 

og Ser framover

så ser eg at eg kjem

ut i ope landskap

ut i Sola 

langt der framme

Eg må nok innom 

nokre mørke parti før

eg er heilt framme

Men tek 

eg eit steg om gangen

og kviler litt på vegen

så kjem eg nok fram til slutt

Dagen i dag 

burde eg nok bruke ute i sola

gå meg ein tur å kjenne på den friske lufta

Men det gjer eg altså ikkje

eg brukar den på noko som eg syns er mykje meir spennande

og meiningsfullt

...eg ryddar i boda

og eg ryddar i rommet der trappa går ned i kjellaren

Kva er vel så meiningsfullt med det

spør du kankje...

I boda skal det settast inn ei dør

slik at vi gjennom den mørke vinteren

kan gå rett ut i vedsjulet 

uten å måtte gå utomhus

Og trappa til kjellaren skal

bort 

der skal det kome eit ekstra gjesterom

slik at vi får plass

til fleire gjester

Så då sjønar de vel 

at dette er meiningsfullt

....og framtidsretta:-))))

Mykje fint å få i plast

Om eg fekk velge - ja så ville eg nok velge den ekte

men det toget har gått

og då er det fint at alternativa slett ikkje er så verst.

No er "han" komen i hus

ja for det må vere ein "han" trur eg

"han" har iallefall lyseblå seng

som "han" skal sove i kvar natt

Men om det no er han pupp eller ho puppa

så spelar det lita rolle

Denne dingsen som har lyseblå seng og 

eiga lomme i BH`en min

kjem til å vere ein del av meg framover

og eg er blitt glad i "han" allereie eg:-)

Så utruleg mykje meir behageleg 

å vere ven med enn den uformelege vattdotten

som eg fekk i starten.

I tillegg til denne venen her 

har eg krav på å få enda ein
heilt gratis endatil

Hr. Staten seier at kvinner har rett på to puppar

ja to....

.....ein til kvardag og ein til selskap?

Nei ein i reserve heiter det visst

i tilfelle ein blir øydelagt

eller eg misser ein....

Og så er det slik at 

dei finst i litt forskjellige variantar

nokon til å ha i lomma i BH`en

andre til å lime rett på huda

....ja og så i mange forskjellige størrelsar då...

...men eg tykkjer det er greit at "han" er omlag 

like stor som naboen...

Så heretter er det slutt på 

å gå på lavpriskjeder for å få klede til denne

kameraten

Spesialklede må til må vite

med lomme og god støtte

og dei er også å få i alle variantar

både med blonder og utan blonder

heilt ordinære og heilt spesielle

sportsutgåve, til å bade i og til å sole seg i

Så det står ikkje på utvalget...

....og prisen på herlegheitene....

..den treng vi kanskje ikkje prate om 

for det er ikkje gratis...

blir mest som å betale for 3 og få ein

Men gode vener fortjener 

at ein tek godt vare på dei

så får no prisen berre vere det den er

Ha ein flott dag der ute - det har eg tenkt å ha

Klem jannetove

Lita tue velter stort lass.....

Når ein er høgt oppe 

er fallhøgda så stor
I går ramla eg utfor...
....og det føltest høgt.

Ingen ting er endra
kreften som er operert bort er like stor eller liten
lymfene er like friske
prognosane like gode...

...det er berre behandlingsopplegget
som har fått ein annan veg.
Faktisk ein meir "normal" veg

I staden for å la motoren gå på tomgang
er det bestemt av vi skal gi full gass.
Først cellegift
så stråling
så hormontabletter i 5 år

Alt dette fordi ein verdi
av ei enkelt prøve
var så vidt utanfor den firkanta ramma
for tomgang.

Ja eg ramla utfor
eg kjende eg datt - susa avgarde
utfor fjellet....
...men til all lukke så hadde eg fått på
fallskjermen

Den gode favnen til kjæresten
som hjelpte meg å sjå det positive
- i at eg får ekstra god etterbehandlig
- som kunne fortelle meg at vi skal takle dette ilag

Som heldt rundt meg
og gav meg varme når eg fraus
som fungerte som min fallskjerm då eg rasa utfor.

Så blir tida med etterbehandling
litt lenger enn eg først trudde
Då får eg tid til å lese gode kokebøker
Då får eg tid til nye strikkeprosjekt
Då får eg tid til å rusle ein tur midt på dagen
Då får eg tid til å bruke tida på meg sjølv
tillate meg å vere litt sjølvopptatt
Då får eg kjenne på at livet er her og no
ikkje i går - ikkje i morgon - berre no.

Ei spennande kokebok

første resultat vart ikkje slik eg trudde - 

men eg har tid til å prøve fleire ganger eg

Gian`s genser

endeleg ferdig

slik at guten frå andre sida av jorda

har litt ekte norsk ull å ha på til vinteren

..og den vart slik eg hadde tenkt

og i går kveld når Gian prøvde den 

ja så vart han akkurat så fin som 

eg tenkte han ville bli.

Positive tankar og klemmar frå jannetove

Nokre sekund av livsdagen

Av og til må vi stoppe opp

i livet

bruke litt tid på 

å tenkje oss om

Sju månader i mitt 

liv

Ikkje så mykje

i forhold til over 50 år

Men....

Ein halv vår

ein heil sommar

ein halv haust

REDSELSMÅNADER

April med gode stunder

sorglause tankar

Mai med ei gryande uro

varierande  tankar

Juni med tydlege teikn

Bekymra tankar

Juli med prøver

tvilande tankar

August med uendeleg venting

og angstfulle tankar

September med vissheit

alvorlege tankar

Oktober med svara

jublande glade tankar

Frå bøljetopp

gjennom bølgjedal

til neste bøljetopp

Det er nett det som er livet

nokre gonger storm

andre gonger stilla

Erfaring og lærdom fyl oss gjennom livet

-jannetove- 11

Frå mørke dalar til høge fjell

I dag morgon då eg vakna

kjende eg på at

nervane låg på utsida av kroppen

Det var vanskeleg å vere morgonblid

det var vanskeleg å kome i gang

Turen til Hamar og legebesøk 

var uendeleg lang

og magen vrengte seg fleire gangar

Tankane kretsa om spredning, cellegift og det som verre er

Etter kvart som vi nærma oss 

vart eg stillare og stillare

og vel framme på sjukehuset

føltest det som om føtene 

ikkje kunne bære meg.

Kva ville dommen vere

ville det vere spredning

ville eg måtte opererast på nytt

ville eg måtte ta cellegift

Tankane var mange

og tankane var vonde

Så endeleg inn på kontoret

til legen som opererte meg for 3 veker sidan

Han smila lurt og kunne fortelle meg

at lymfene var heilt friske

eg skulle sleppe cellegift

men ein strålekur ville han 

nok anbefale sjølvom

han var trygg for at det ikkje var noko tull att i kroppen

Eg kjende kor gleda bobla

smilet kom tilbake

hendene slutta å skjelve 

og magen fall til ro

Dette går nok aldeles bra sa han

du har ingenting å frykte

du skal berre sjå framover

og glede deg over livet...

....sa han - den flinke og koselege svenske legen

som har hjelpt meg 

med å få bort "styggedomen"

Så no seier eg takk til legen

til sjukepleiarane

til kjæresten

til borna

til slekt og vener

Til alle som har tenkt på meg

til alle som har sendt meg gode tankar

til alle som har sendt meg blomar

og til dei rundt meg som har 

støtta meg no når eg trengde det så veldig

Så sender eg ei takk til høgare makter

for at kroppen sa i frå i tide

for at teikna eg fekk

vart oppdaga

tidsnok.

Så tek eg på meg lette sko

og ruslar vidare i livet

ei vond erfaring rikare

Ei erfaring eg ikkje unner nokon

men som har gjort meg

til eit tryggare og sterkare menneske

Så tek eg på meg lette sko

og vandrar vidare og ser lang lang

framover

Så håpar eg på at 

dagane framover

blir heilt vanlege

heilt kvardagslege 

og berre gode.

-jannetove

Ein engel til glede

Eg hadde ein draum i natt

denne kjære engelen 

datt i golvet

og eg gret av fortviling

no er den nok knust og borte

Men då eg tok den opp 

var den like heil

og gleda vende tilbake

Berre ein vanleg draum

men i dag kjenner eg at den gir meg styrke

eg kjenner at no når eg 

er så spent og engteleg 

for dommen 

eg skal få hos legen på Hamar

kan vere eit godt teikn

Eit fall i fortvilelse

behøv nemleg ikkje bety

undergangen

Så reiser eg til Hamar

med tru og håp

og prøver å leve i nuet

også denne dagen

Ingen har sagt at det er lett

men det er verdt eit forsøk

-jannetove-

Å oppdage i tide???

KULEN

Handa stryk varsomt

Forsiktige  rolege bevegelser

Leitar og søkjer på kjende stadar

Varm – frisk hud

Trygg på å finne linjene

Slik dei har vore  støtt

Leitar og søkjer

Finn roa og gleda

Ser at alt er kjent og uforandra

Så plutseleg

Skrekken og redsla

I det som er framandt

Der er han

Kulen i brystet

Jannetove-11

Bildet er lånt frå Rosa sløyfe

Oktober er Rosa - tek du utfordringa og støttar

denne aksjonen?

jannetove

Bevisste valg

Det er godt å koma heim etter ei helg på tur

Denne helga har eg og kjærasten vore

i Hemsedal og sett på Fallskjermhopping frå helikopter

Stemninga var stor, veiret var heilt utruleg flott og 

vi har kosa oss med bilturar, gode samtalar på hoppfeltet

og ein kjekk kveld på oktoberfest.

Vi har tatt eit bevisst valg på å kose oss i helga

og det har vist seg å bli ein suksess.

Alle tankar rundt sjukdom 

la eg att heime og eg kjenner på at i helga har eg 

Gripe dagen og levd.

Vær bevisst!

Vær bevisst dine tanker

for de blir til ord.

Vær bevisst dine ord

for de blir til handlinger.

Vær bevisst dine handlinger

for de blir til dine vaner.

Vær bevisst dine vaner

for de blir til din karakter.

Vær bevisst din karakter

for den blir din skjebne.

Vær bevisst!

"buddah"

Ein av bilturane gjekk til Mørkedalen

på vegen over Hemsedal

Her hadde familien til kjærasten 

hytte før i tida og han har mange 

gode minner frå staden

Å vandre slik på "gamle stiar" 

er alltid sjelebot

og når haustsola varmar landskapet slik 

som på laurdag - blir det ekstra godt

Mørkedalen 1.10.11 

Eit av høgdepunkta var då to fallskjermhopparar 

gjorde dette stuntet.

Her ser vi ein person på line høgt over bakken

samtidig som fallskjermhopparen 

swooper under lina i det han går inn for landing.

Nesten som å vere på sirkus.....

No når eg er vel heime og merkar at

influensaen har invadert kroppen min

lyt eg mobilisere nye gode tankar

No blir det teppe, sofakos og varm te

....ei influensa går over

.....så no skal eg berre slappe av 

til eg føler meg bedre.

Ha ein fin søndagskveld og ei flott veke

-jannetove-