Vinterhav

Vinterhav

mandag 6. september 2010

Ikkje så flatt som mange trur.....

Då eg reiste til Hadeland første gangen trudde eg at eg skulle ned på "flate austlandet" - stor var overraskinga difor når eg kom fram og fekk sjå at det slett ikkje var så flatt her som eg hadde trudd. Landskapet her blir også kalla "Nordens Toscana" og det med rette.

I dag kom eg endeleg over dørstokkmila og turen gjekk til Hvalebykampen eller Rånåsen som han og blir kalla. Herifrå ser den ut som ein liten ås der den ligg skogkledd i kveldssola - men når ein studerer kartet så er faktisk denne åsen 771 moh. og hadde den vore på vestlandet ville den nok bli rekna for eit fjell. Jarenvatnet rett nedanfor huset her ligg på 201 moh. så litt høgd blir det altså på fjellet vårt allikavel.


Eg har ikkje tenkt å skryte på meg masse kondisjon og "røle" av at eg er sprek - for nei det er eg altså IKKJE. Men eg har vore på Rånåsen i dag, ikkje så langt og ikkje så høgt, men ganske bratt allikavel - ein flott tur og jammen vart ulltrøya sveitt også.

Bildet over er tatt rett før vi kom til første toppen og her ser vi ned på Randsjøen og sætrane innover Øståsen. Langt borti alle blåner ein stad ligg Gardemoen og rett som det er kjem Widerøe flyet putrande over åsen her på veg mot barndomens fjell og dalar.



Vel framme på toppen blir ein nesten litt skuffa over all granskauen som stengjer for utsynet - men litt ser ein no imellom trea. Bildet er tatt med soom og retninga er mot Granavollen og Søsterkyrkjene. Fremst i bildet skimtar ein så vidt Jarenvatnet og i godt veir ser ein heilt til Gaustatoppen.

Nei absolutt ikkje så flatt som mange trur.....

3 kommentarer:

  1. Nyt gleda over å ha komt over dørstokkmila, Janne Tove! Du motiverte meg til å bakse meg over eg også, å komme meg ut å utforske Bergensnaturen ;-)

    Klem

    SvarSlett
  2. Takk for den flotte turen du tog med meg på.
    Vi har ikke så langt bort til Hadeland. Har ei veninne på Grua.
    Tenk vad mye flott natur vi har i dette landet. Tenk og om vi hadde vet i hauda og nyte den!

    Ja sommeren er nok på hell nå. Det er kalde morgnar hos meg. Men det gör meg ikke noe det.
    Er glad i hösten. Da kommer eg ut i skogen og får nyte bär og sopp.
    Men en ting har vi her nede som IKKE finnes på vestlandet og möre. Det er hjortelusa. Det er en ekkel skapning.... Den kommer nå. Så man får passe på når man går ut. Den kan bite da. Sjöl om den kun går på hjort og elg.
    Skal pröve å komme meg ut litt idag. Nå kommer sola og varmer litt så da blir det bedre på en gang.

    Ha ei flott tirsdag nå.
    Nyt hösten.
    Klems Synnöve.

    SvarSlett
  3. Ditta såg flott ut Janne Tove:-)

    SvarSlett